Konstituzionalak legez kanpoko jo du zazpi gazteren atxiloketa eta espetxeratzea
Auzitegi Konstituzionalak legez kanpoko jo ditu Auzitegi Nazionalak, 2015eko maiatzean, Segiko kide izateagatik atxilotu eta espetxeratu zituzten zazpi gazteen aurkako erabakiak, Euskadi Irratiak jakitera eman duenez.
Gazteek hilabeteak eman zituzten espetxean, baina Auzitegi Gorenak horietako bost absolbitu zituen ondoren, eta beste biei bi urteko kartzela-zigorra ezarri zien.
Gazteen abokatuak Justizia Ministerioari kalte-ordaina eskatzea aztertzen ari dira orain.
Auzitegi Konstituzionalaren arabera, Auzitegi Nazionalak “ez zuen errespetatu prozedura judiziala”, eta zazpi gazteen askatasun eskubidea urratu zuen.
Ibon Esteban, Xabar Moran, Aiala Zaldibar, Bergoi Madernaz, Igarki Robles, Marina Sagastizabal eta Ainhoa Villaverderi sei urteko espetxe-zigorra ezarri zien Auzitegi Nazionalak Segiko kide izateagatik, eta behin-behinean espetxeratzeko agindu zuen, Gorenak, helegitea ebatzi bitartean.
Angela Murillo Auzitegi Nazionaleko epaileak ez zien defentsako abokatuei gazteen askatasuna eskatzeko aukerarik eskaini.
Auzitegiak baldintzarik gabe behin-behineko espetxealdi komunikatua ezarri zien zigortuei, “ihes egiteko arrisku handia” zegoela argudiatuta. Behin-behineko espetxea aztertzeko, Prozedura Kriminalaren Legean aurreikusitako entzunaldi judiziala deitu ez zuelako erabakia errekurritu zuten zigortuek. Auzitegi Nazionalak helegiteak errefusatu zituen.
Entzunaldia “beharrezkoa ez” zela argudiatuta, Auzitegi Nazionalak hartutako erabakiak gazteen “askatasun pertsonalerako eskubidea urratu” zuela ebatzi du orain Auzitegi Konstituzionalak. Epaia irailaren 17an sinatu zuten magistratuek, baina gaur eman dute argitara.
Horregatik, Marina Sagastizabal, Xabat Moran, Bergoi Madernaz eta Ainhoa Villaverde zigortuek aurkeztutako babes-helegiteak onartzea erabaki du Konstituzionalak. Horrela, Auzitegi Nazionalaren autoak baliogabe utzi ditu.
Gazteei egindako “kalte larriagatik Estatuari ordaina” eskatzea aztertzen ari direla azaldu dute abokatuek agiri batean. Abokatuen hitzetan, “oinaze konponezina” sufritu dute “Auzitegiaren ebazpenaren ondorioz ia urtebete preso eman ondoren (epaiketa hasi baino lehen urte eta erdi eman zuten espetxean)”.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.