Junqueras ERCko zerrendaburua izango da Europako hauteskundeetan
Oriol Junqueras izango da ERC alderdiko zerrendaburua Europako hauteskundeetan, militanteei zuzendutako gutun batean iragarri duenez. Generalitateko buruzagi ohia Bartzelonako Lledoners kartzelan preso dago gaur egun.
"Europako hauteskundeetara aurkeztea Espainiar Estatuaren atzerapen demokratikoa eta errepresioa salatzeko modurik aproposena da", arrazoitu du Junquerasek ERCk larunbat honetan zabaldu duen gutunean.
Astelehenean urtebete beteko da Katalunian independentzia erreferenduma egin zutela. Junquerasen esanetan, "Espainiak Europari eta munduari bere aurpegirik txarrena erakutsi zion eguna" da.
"Laster 11 hilabete emango ditut kartzelan, eta erabat harro nago gure herriak egun horretan egin zuenarekin. Galdeketa bat egitea ez da delitua. Nire herrian aldaketa politikoa nahi izatea eta erabakia herritarren esku uztea ez da delitua. Eta errepresioa, argi dagoenez, ez da konponbidea", gaineratu du ERCko presidenteak.
Kataluniaren "eskubideen alde borrokan jarraitzeko borondatea" agertu du Junquerasek. Halaber, bere eskubide politikoez gain, "errepresaliatu guztienak" ere "babesteko prest" dagoela esan du.
"Europako hauteskundeetara aurkeztea erabaki dut. Ezarri nahi diguten errepresioa eraginkorra ez izateko modurik onena da", azpimarratu du Junquerasek. "Hausnarketa sakona egin ostean eta errepresioa pairatzen ari diren alderdikideekin hitz egin ondoren, 2019ko maiatzean Europako hauteskundeetan ERCren zerrendaburu izateko indartsu nago, eta adorez sentitzen naiz", nabarmendu du.
Hala, "errepresioari gure armarik onenarekin, alegia, demokraziarekin, aurre egin" dakiokeela azpimarratu du Junquerasek.
"Alde batera utzi eta isilarazi nahi gaituzte, baina ezin dugu hori onartu. Hala, gure esku ditugun aukera guztiak erabili behar ditugu gure asmoa zein den argi uzteko. Gehiengoa gara eta demokrazia, giza eskubideak eta Kataluniako herriaren subiranotasuna babesteko edozertarako prest gaudela argi utzi behar dugu", esan du.
Junquerasen ustez, "Kataluniaren askatasunaren afera eta independentismoaren kontrako auzia nazioartean zabaltzea inoiz baino premiazkoagoa da".
Azkenik, epaiketa ez dela bidezkoa izango esan du, eta "bozkatzea herritarren eskubidea" dela nabarmendu du, urriaren 1eko erreferendumari aipamena eginez. Halaber, "Europari eta munduari Espainiaren aurpegirik txarrena erakutsi" behar zaiola gaineratu du.
Albiste gehiago politika
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.