Erreferendum lotesle bat adostu ezean, Torrak babesa kenduko dio Sanchezi azaroan
Nazioarteak aintzat hartuko duen eta loteslea izango den erreferendum bat adosteko proposamen zehatza egin dezala exijitu dio gaur Quim Torra Generalitateko presidenteak Pedro Sanchez Espainiako Gobernuko presidenteari. Eta ohartarazpen bat egin dio: azaroa baino lehen aurkeztu beharko du proposamena, bestela Sanchezek Kataluniako talde independentisten babesa galduko du Diputatuen Kongresuan.
Kataluniako Parlamentuan, politika orokorreko bilkuran egin duen agerraldian, Torrak esan du Kataluniaren pazientzia ez dela mugagabea eta Pedro Sanchezi denbora amaitu zaiola. Horrela bada, "lehenbailehen negoziatzen hasteko asmoz", bilera bat deitzeko eskatuz gutuna igorriko diola iragarri du.
"Mehatxuak albo batean utzita, konpromiso zehatzak eta ausartak" har ditzala eskatu dio Torrak, eta "azaroan baino lehen autodeterminazio eskubidea gauzatzeko proposamenik egin ezean, guk –independentistek- ezingo diogu egonkortasuna bermatu Diputatuen Kongresuan", azpimarratu du.
"Estatuari negoziazioa eskaintzen diogu, eta nazioarteko komunitateari bitartekari lanak egin ditzala eskatzen diogu; nazioartearen oniritzia izango duen hitzartutako erreferendum loteslea da bidea egungo krisi larria konpontzeko", adierazi du.
Halaber, "ez diogu Sanchezi elkarrizketari buruz hitz egiten entzun nahi, ondoren gurekin elkarrizketarik izango ez badu eta proposamen zehatzak egingo ez baditu", erantsi du.
Urriaren 1eko erreferendumaren lehen urteurrena gogoratzeko atzo egin ziren mobilizazioen ostean izandako istiluen harira, Sanchezek egindako adierazpenak ere izan ditu hizpide. "Erakunde demokratikoak setiatzeko erradikalak animatzea" eta jarrera horrekin "normalizazio politikoa arriskuan jartzea" leporatu dio Espainiako Gobernuko presidenteak. Bada, Torrak honela erantzun dio: "Kataluniako egoera politikoa arriskuan jartzen duena Espainiako Gobernua da, preso politikoak eta erbesteratuak mantenduz eta Kataluniari autodeterminazio eskubidea galaraziz. Nahikoa da".
Torraren esanetan, Kataluniako Gobernuak "pazientzia handia" izan du "155aren hirukoarekin" eta "duela urtebete demokrazia defendatu zuten herritarrek" eskatzen zutena baino astiroago joan dela aitortu du.
Ildo horretan, nabarmendu du Estatua izan dela "kaleetan tentsioak gora egin izanaren erantzule nagusia", bere jarrera "autoritario eta errepresiboarekin". "Guztioi interesatzen zaigu espetxea, erbestea, jazarpen judiziala eta indarkeria poliziala eragin dituen gatazka politikoa konpontzea", gaineratu du.
"Norbaitek uste badu honekin guztiarekin atzera egingo dugula, ez ditu gure determinazioa eta indarra ezagutzen; gu beti egongo gara demokraziaren, askatasunaren eta bakearen alde", azpimarratu du.
Bestalde, Espainiako Gobernuak Kataluniako Parlamentuan onartutako hainbat legeren aurka Auzitegi Konstituzionalean jarritako inpugnazioak atzera botatzeko eskatu dio Torrak Sanchezi. Helegite gehienak Mariano Rajoyren Exekutiboak aurkeztu zituen.
Amaitzeko, berretsi egin du konponbidea ez dela Estatutu berri bat adostea eta, ildo horretan, agindu du ez diola urriaren 1eko mandatuari uko egingo: "Autodeterminazio eskubidea herriarena da eta ez beste inorena", adierazi du.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.