Estatutu berria idazteko enkargua jaso dute adituek
Gernikako Estatutuaren erreformarako testua idatziko duen jurista taldearen esku gelditu dira ostiral honetan estatus berriaren oinarriak. Horrenbestez, gai horrekin lotutako akordioak lortzeak dituen zailtasunen jakitun beteko dute dagokien eginkizuna bost adituek.
Bakartxo Tejeria Legebiltzarreko presidentea izan da, hain zuzen, aurrerantzean bete beharreko eginkizunaren berri eman diena. Horretarako, zortzi hilabeteko epea izango dute.
Protokolozko ekitaldi batean, Mikel Legardaren (EAJk proposatutako legelaria), Iñigo Urrutiaren (EH Bilduk proposatutakoa), Arantxa Elizondoren (Elkarrekin Podemos), Alberto Lopez Basagurenen (PSE-EE) eta Jaime Ignacio del Burgoren (PP) aurrean irakurri du akordioa Tejeriak. Geroago, Legebiltzarreko Mahaiarekin bildu dira.
Lan egiteko modua zehaztu aurretik, bost adituetako lauk onartu dute lan zaila dutela aurretik. Del Burgo izan da guztien artean eszeptikoena.
Eginkizun horrekin "sekulako erantzukizuna" dutela esan du, esku artean dutena Euskadirentzat ez ezik, beste lurralde batzuentzat ere, Nafarroarentzat adibidez, "erabakigarria" delako. Hori esanda, gogora ekarri du EAJk eta EH Bilduk adostutako oinarriak dituela testu horrek, eta Euskadiko PP ez datorrela horrekin bat, ezta Del Burgo bera ere.
Bilatzen duten emaitza "ia independentista den euskal Estatu bat sortzea" bada, "elkar ulertzeko tarte txikia" dago. Nolanahi dela, batzuetan politikan ere, mirariak gertatzen direla adierazi du. "Aditu talde honetako kideek ikuspuntu erabat ezberdinak ditugun arren, hitz egiteko prest nago", gaineratu du.
Iñigo Urrutiak ere argi utzi du akordioa ez dela, inolaz ere, erraza izango, "zailtasunak izango dituelako". Halere, nabarmendu du bost juristek jakin badakitela erantzukizun handia dutela, eta horrek "zuzen" jokatzera behartuko dituela.
Gainera, taldeak "lan erritmo nahiko azkarra" hartzeko itxaropena duela azpimarratu du, "emaitzak ahal bezain pronto hel daitezen".
Arantxa Elizondok, bestalde, enkargu "zaila" dutela, baina gogotsu egingo diotela aurre esan du, eta komunikabideei eskatu die lana lasaitasunez egiten uzteko.
Alberto Lopez Basaguren ere egiteko duten beharraz mintzatu da "eginkizuna asmo onenarekin eta borondatez" hartu duela, nahiz eta ez duen ezkutatu "helburua oso zaila" dela.
Esan bezala, zortzi hilabeteko epea dute aurretik lege proposamena idazteko.
Zure interesekoa izan daiteke
Rosa Zarra omentzeko plaka jarri du Donostiako Udalak, gomazko pilota batek hildakoaren omenez
Dagoeneko 37 plaka jarri ditu Udalak, "espazio publikoan ikusgarritasuna emateko hirian bizia galdu zuten terrorismoaren eta motibazio politikoko indarkeriaren biktimei".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Bestalde, EH Bilduk eta Sumarrek "koherentzia" eskatu diete, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.