Estatutu berri bat onartzeko prozesua 'legezkoa' izango dela ziurtatu du Egibarrek
Euskadirentzako estatutu politiko berri bat onartzeko prozesua “guztiz demokratikoa” eta “ezinbestean legezkoa” izango dela ziurtatu du Joseba Egibar EAJko bozeramaileak Eusko Legebiltzarrean, baina EAEko herritarrek erabakitzen dutena “errespetatu” behar dela azpimarratu du.
Euskadiren eta Estatuaren arteko “harreman” eredu berri bat diseinatzea beharrekoa dela errepikatu du EAJko bozeramaileak Politika Orokorreko Bilkuran, egungo sistemak Gernikako Estatutua “betetzeko ere balio izan ez duela ikusita”.
Euskadiren autogobernu sistema “sendotzearen” alde agertu da bozeramaile jeltzalea; izan ere, Gernikako Estatutuak eskumen ugari aitortzen dizkio Euskadiri, baina horietako asko oraindik Exekutibo zentralaren eskuetan daude. “Moztutako” eskumenak berreskuratzea eta EAEko erakundeek erabaki dezaketen gaiak “areagotzea” beharrezko ikusten du Egibarrek.
Ordezkari jeltzalearen ahotan, Legebiltzarrean eztabaidatzen ari diren estatus politikoaren erreformak autogobernu sistema “sendoago” bat osatzeko balio behar du, “segurtasun” berme gehiagorekin.
Egibarren esanetan, Espainiako Estatuaren aurrean pairatzen duen “mendekotasuna” gainditzeko marko juridiko politiko berri bat behar du Euskadik, autogobernuaren “errespetu eta aintzatespenetik” abiatuta.
“Estatuaren ikusmolde unitarioa eta errealitate propioa baino onartzen ez duena molestatzen” duelako Euskadik bere etorkizuna erabakitzeko beharrezko tresnak izatea eragotzi nahi duten alderdiak kritikatu ditu jeltzaleak.
“Espainiarekin harreman berri bat behar dugu. Berria izan behar du, ez da egun duguna izan behar zaharkiturik dagoelako eta Estatutua betetzeko balio izan ez duelako”, esan du.
Datorren urteko aurrekontuei begira, EAJren eta PSEren Eusko Jaurlaritzak ezin ditu bakarka onartu, beste talde politiko batzuen babesik gabe, baina kontuak luzatzeagatik “mundua geldituko” ez dela adierazi du Egibarrek. Hala ere, etorkizunean Euskadik aurrerapausoak ematen jarraitzeko onartzea espero du jeltzaleak.
“Busti beharra dago, negoziatu” eta pixka bat mugitu akordioetara heltzeko, Egibarrek EH Bilduri esan dionez, baina koalizioak aurrekontuak negoziatzeko “borondate berezirik” azaltzen ez duela gaineratu du.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliario bat egin da"
EH Bilduk "anbizio handiko" plan bat aurkeztu du, etxebizitza merkatuan "bai ala bai" esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren aldekoa, "ahalegin publikoa 10ez biderkatuz"; eta etxebizitzaren "funtzio soziala babestearen" aldekoa da koalizioaren plana, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.