Herritarren profil ideologikoak sortzeko aukera izango dute alderdiek, sarea arakatuz
Datu Pertsonalen Babeserako Lege Organiko berria onartu du asteazken honetan Espainiako Senatuak. Hala, alderdi politikoek herritarren profil ideologikoak sortu eta hauteskunde-propaganda edozein komunikazio-bide zuzena erabiliz igortzeko aukera izango dute, sarea arakatu ostean. Gauzak horrela, telefono mugikorretara mezuak zuzenean bidaltzeko eskubidea izango dute alderdiek, erabiltzaileei baimenik eskatu gabe.
Lege Organiko horren ’58 bis’ artikuluaren hirugarren puntuak sortu du polemika, izan ere, hauteskunde garaian, alderdi politikoek “bide elektronikoak edo mezularitza-sistemak” erabiliz haien propaganda bidaltzeko eskubidea izango dute. Artikulu horren arabera, erabiltzaileei behar besteko bermeak eskainiz gero, “interes orokorra nagusituko da”. Kasu horietan, propaganda mezuak ez dira komunikazio komertzial gisa hartuko.
“Hauteskunde garaian, webguneak edota sare sozialetako profil irekiak arakatuz bildutako datu pertsonalak mezuak bidaltzeko erabiltzeko eskubidea izango dute alderdi politikoek, koalizioek eta taldeek”, dio artikulu horrek.
Kongresuan aurrera atera ostean onartu dute Senatuan Lege Organikoa, izan ere, oposizioak aurkeztutako zuzenketa guztiak baztertu dituzte PSOEk eta PPk. Rajoyren gobernuak proposatu zuen legea Datu Pertsonalen Babeserako Lege Organiko berria. Gauzak horrela, Estatuko Aldizkari Ofizialean (EAO) argitaratzean sartuko da indarrean.
Unidos Podemosek, Compromisek, Nueva Canariasek eta EH Bilduk lege horren kontra bozkatu dute, ez datozelako bat ’58 bis’ artikuluaren hirugarren puntuarekin. Bertan, hauteskunde garaian alderdi politikoek datu pertsonalen inguruan egin dezaketen erabilera zehazten da.
Unidos Podemosek aurreratu duenez, legea zuzentzea proposatuko du, eta, hala egin ezean, helegitea aurkeztuko du Auzitegi Konstituzionalean. Izan ere, legeak “erabiltzaileen iritzi politikoak gorde eta grabatzeko aukera” aurreikusten duela salatu du.
Beste alde batetik, Begoña Nasarre senatari sozialistak legearen alde agertu da, eta ez duela herritarren iritzi politikoen inguruko profilak osatzea baimenduko ziurtatu du.
Ildo horretatik, Kongresuan “adostutako legea” dela azpimarratu du Maria Rosa Vindel PPko senatariak, eta “beste hamar lege garrantzitsu” moldatzen ditu. “Lege aproposa da, alarma handia sortu badu ere”, ziurtatu du.
Zure interesekoa izan daiteke
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.
Sanchezek 09:00etan erantzungo dio Trumpi, Espainiarekin duen merkataritza-harremana etengo duela mehatxu egin baitu
Espainiako Gobernuko presidenteak agerraldia egingo du Moncloan, Irango gerraren eta base militarren auziaren ondorioz Washingtonekin tentsioa areagotu ostean.
Lehendakariak Europari "ahots bakarrarekin" aritzeko eskatu dio, Ekialde Hurbileko gerraren aurrean
Lehendakariak Bruselan egin ditu adierazpenok, 48 ordurako egin duen bidaiaren hasieran. Estrategia politikoei eta ekonomiari buruzko hainbat bileratan parte hartuko du eta Bart De Wever Belgikako lehen ministroarekin bilduko da.
Milaka pertsonak gogoratu dituzte 1976ko martxoaren 3an Gasteizen hildako langileak
Ekitaldi batean, "Estatu krimenaren zigorgabetasunaren aurka lan egiten" jarraituko dutela azpimarratu dute.
Alderdi guztiek, Voxek izan ezik, martxoaren 3ko biktimak omendu dituzte
EAJk dokumentu ofizialak osorik desklasifikatu ditzaten eskatu du. Arnaldo Otegik salatu du "Estatu-operazio” bat izan zela.
Franky tabernaren aholkulari fiskalak aitortu du Accionari faktura faltsuak egin zizkiola Koldoren alde
Miguel Moreno Purroyk agerraldia egin du astearte honetan Nafarroako Parlamentuan, herri-lanen lizitazioari buruz egiten ari diren ikerketa batzordean. 2016 eta 2018 urteen artean Koldo Garciari laguntzeko jardun zuela adierazi du, eta "oker" aritu zela aitortu arren, ukatu egin du ezein "ustelkeria sareren parte" izatea.