EAE eta Iparralde elkarlanean arituko dira lurralde-integrazioa bultzatzeko
Lurralde plangintzan, mugaren bi aldeetan Europako programak lortzeko hautagaitza bateratuak aurkezteko akordioa sinatu dute Euskal Autonomia Erkidegoak eta Ipar Euskal Herriak, Euskal Hiria biltzarrean. Bi eskualdeetan garapen ekonomikoa antolatzeko ardura duten buruzagiak biltzen ari dira astelehen eta astearte honetan.
EAEko eta Ipar Euskal Herriko lurralde plangintzaren arduradunak aurrenekoz bildu dira Bilboko biltzarrean. 300 bat adituk ere parte hartu dute. Hiri, denda, turismo, klima eta energiaren papera aztertu dute, egun zein etorkizunera begira.
Muga arteko memorandumak lau ardatz ditu. Besteak beste, “Europako programak bereganatzeko hautagaitza komunak” aurkezteko lan egingo dute. Era berean, “azpiegitura berde, hiri eta landa-eremuko habitat, paisaia, mugikortasun eta energia, urak eta hondakinak” aztertzeko adierazleak sortuko dituzte.
Gainera, etorkizunera begira “zuzentarau eta orientabide” komunak bilatu eta proiektu bateratuak zehaztuko dituzte.
Iñaki Arriola Eusko Jaurlaritzako Ingurumen, Lurralde Plangintza eta Etxebizitza sailburuak biltzarrean azaldu duenez, “lankidetzan eta modu bateratuan erronkei aurre egiteko aukera bat da”. Jean Rene Etchegaray Euskal Elkargoko presidentea ere ekitaldian izan da.
Bultzatu 2050 Euskadiren Hiri Agendako lehen pausoak aurkeztuko dituzte astearte honetan, Euskal Hiria biltzarrean. Etxebizitza, osasun, enplegu edo energia politiken bitartez kolektibo behartsuenei laguntzeko proiektu bat da, NBEko Habitat egitasmoak bultzatuta.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.