Carlos Garcia Julia, Atochako sarraskiaren egileetako bat, atxilotu dute Brasilen
Brasilgo Poliziak Carlos Garcia Julia, 1977an Atochako (Madril) abokatu bulego batean egindako sarraskiaren egileetako bat, atxilotu zuen atzo, ostegunarekin. Auzitegi Nazionalak hura bilatzeko eta atxilotzeko agindua eman eta bi urtera atxiki dute Garcia Julia.
Brasilgo Poliziaren arduradunek eta Espainiako Poliziaren buru eta komisario batek gaur emango dituzte atxiloketaren xehetasunak.
Garcia Julia Falangeko kidea zen hilketa gertatu zenean (1977ko urtarrilaren 24an). Egun hartan, Atochako abokatu bulego batera sartu zen, Jose Fernandez Cerrarekin batera, eta bost lagun hil zituen tiroz: Enrique Valdelvira, Javier Sauquillo eta Luis Javier Benavides abokatuak, Serafin Holgado ikaslea eta Angel Rodriguez administraria. Horiek hiltzeaz gainera, lau pertsona larri zauritu zituzten. Biktima guztiak PCEko eta CCOO sindikatuko kideak ziren.
Hilketa hura trantsizioaren sinbolo bilakatu zen. Ordutik, "Atochako sarraskia" izenaz ezagutzen dira gertakariok.
1980an epaitu zuten Atochako sarraskia, eta Garcia Juliari eta Fernandez Cerrari 193 urteko kartzela-zigorra ezarri zieten.
Ihes egin zuen, baimen bat baliatuta
Garcia Juliak 14 urte eman zituen kartzelan. 1992an baldintzapeko askatasunean utzi zuten, eta, aukera hori baliatuta, Latinoamerikara ihes egin zuen. Fernandez Cerra ere bertara joan zen aske utzi zutenean.
1997an, Boliviako hiriburuko espetxe batean atzeman zuten Garcia Julia. Zigorra betetzen ari zen droga trafikoagatik. Ikerlarien esanetan, droga salduta irabazitakoak talde parafaxistak finantzatzeko erabiltzen zituen Garcia Juliak.
Auzitegi Nazionalak 2001ean eman zuen Garcia Julia estraditatzeko agindua, eta 2016an berriro eguneratu zuen. Garcia Juliari 10 urte baino gehiago geratzen zaizkio betetzeko.
Zure interesekoa izan daiteke
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.