Trapero epaitzeko Kataluniako auzitegien inpartzialtasuna zalantzan jarri du fiskalak
Mossoen buruzagi ohiak, besteak beste, Josep Lluis Trapero maiorra, epaitzeko Auzitegi Nazionalaren eskumena defendatu du gaur Pedro Rubira fiskalak. Horretarako, sedizio eta matxinada delituak epaitzeko garaian Kataluniako auzitegien inpartzialtasuna zalantzan jarri du Rubirak.
"Matxinada eta sedizioa Kataluniara bidaltzen baldin badute, inpartzialtasunik, lasaitasunik, egongo al da?", galdetu du Rubirak aurretiko saioan. Auzitegi Nazionalaren eskumenaren aurka aurkeztu dituzten alegazioak aztertzeko saioa izan da.
Fiskalaren adierazpenak ikusita, Fiskaltzak agiri bat plazaratu du, “Katalunian lan egiten duten magistratuen profesionaltasuna inola ere ezbaian jarri” nahi izan ez dutela argitzeko. Rubira Kataluniako krispazio giroaz ari zela esan du Fiskaltzak, eta lasaitasuna beharrezkoa dela erantsi du.
Lau akusatuetatik bik Auzitegi Nazionalaren eskumena zalantzan jarri dute: Cesar Puig Barne idazkari nagusi ohiak eta Pere Soler Mossoen zuzendari ohiak, hain zuzen ere. Traperok eta Teresa Laplana intendenteak ez dute alegaziorik aurkeztu, Auzitegi Nazionalak epaitzea onartuz.
Aretoak eskumena 2017ko azaroan, instrukzioaren hasieran, hartu zuela azaldu du Jaume Alonso-Cuevillas Puigen abokatuak. Harrezkero, prozeduraren “esparru subjektiboa” aldatu dela argudiatu du Alonso-Cuevillasek, zenbait inputatu Auzitegi Gorenaren eskuduntza izatera pasa baitira.
Auzitegi Nazionalak auziarekin geratzeko egin duen irakurketa “trauskila eta arrunta” kritikatu du Puigen abokatuak. Azkenean akusatuak Auzitegi Nazionalak epaitzen baldin baditu, legeak aurreikusitako epailea izateko eskubidea urratuko luketela uste du.
“Auzi zehatz baterako salbuespeneko auzitegi bat martxan jarri izana” uler dezakete Europako epaitegiek, ohartarazi duenez.
Zentzu horretan, matxinada eta sedizioa “ez dira gobernu ereduaren aurkako delituak, eta ondorioz, Auzitegi Nazionalak ez du eskumenik”, defendatu du Pau Ferrer Pere Solerren abokatuak.
“Kataluniako erkidegotik kanpo gertatutako delitu bakar bat” identifikatu ez dutela nabarmendu du abokatuak. Honenbestez, eskumena Kataluniako auzitegiek izan beharko lukete, erantsi duenez.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.