Kepa Etxeberria presoari Errenterian egindako harrera salatuko du Covitek
Covite Terrorismoaren Biktimen Elkarteak iragarri du Kepa Etxeberria preso ohiari Errenterian egindako harrera salatuko duela Auzitegi Nazionalean. Era berean, Kalera Kalera elkartea eta LAB sindikatua salatuko ditu Auzitegi Nazionalean: lehena, ekitaldia bultatzeagatik; bigarrena, berriz, harreraren bideo bat sare sozialetan zabaltzeagatik.
Bestalde, Gipuzkoako aipatu udalerriko Udalak horrekin lotuta duen erantzukizuna eta Eusko Jaurlaritzako Segurtasun Sailak harreraren harira hartutako papera ikertzeko eskatuko dio Auzitegi Nazionalari. Izan ere, Covitek ez du ulertzen Udalak nolatan utzi zien antolatzaileei Errenteriako kale bat Etxeberriari harrera egiteko, ezta Jaurlaritzak ekitaldia zergatik baimendu zuen ere.
Etxeberriaren harreraren atzean terrorismoa goratzeko eta biktimak makurrarazteko delituak egon litezkeela uste du Covitek. Horregatik, eskatuko dio Auzitegi Nazionalari iragan ostiraleko ekitaldia ikertzeko.
Coviteren esanetan, LAB sindikatuak Twitterren argitaratutako bideo batek erakusten du martxoaren 8an dozenaka lagunek ospatu zutela Etxeberriaren askatasuna. "Txalo eta pankarta artean hartu zuten herrian, Kalera Kalerak antolatutako eta LABek bultzatutako ekitaldi batean", berretsi du.
Ildo horretan, 1999ra arte, hots, atxilotu zutenera arte, Kepa Etxeberria 'Donostia komando'ko kide izan zela ekarri du gogora. "Juan Jose Baeza Gonzalez Martuteneko espetxe funtzionarioa hiltzen saiatu zen", zehaztu du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.