Begizta horiak kentzeko ultimatuma mantendu du Hauteskunde Batzordeak
Hauteskunde Batzorde Zentralak Quim Torra Generalitateko presidentearen eskakizuna baztertu du, eta ez du bertan behera utziko eraikin publikoetatik begizta horiak eta 'esteladak' kentzeko agindua. Beraz, asteartean bukatuko den 24 orduko epea mantendu du. Ez betetzeak zigor administratibo bat edo desobedientziagatiko prozesu judizial bat ekar dezake.
Torrak ez zuen hasierako 48 orduko epea bete, eta asteartean bidalitako eskaeran —Hauteskunde Batzordeak 14:30etan jaso du, posta elektroniko bidez — agindu hori betetzeko "ezintasuna" azpimarratu du presidenteak, Kataluniako administrazioak kudeatzen dituen eraikin publikoen kopuru handiagatik. Azaldu duenez, Generalitateak eraikin asko ditu, eta gainera, ez ditu guztiak modu zuzenean kudeatzen.
Izan ere, Torrak Generalitatearenak diren eraikinen zerrenda bat agindu dio Torrak Batzordeari. Helarazi dionez, Rafael Ribo Kataluniako Herriaren Defendatzailearekin harremanetan jarri da, Generalitateak kontu honetan zer egin behar duen esan dezan.
Idatzia jaso eta ordu eta erdira, Hauteskunde Batzordearen presidente Segundo Menendezek erantzuna eman dio Torrari. Esan dionez, ez da atzerapen gehiagorik egongo, eta 24 orduko epea mantendu egingo da.
Erresoluzioaren arabera, Torraren eskakizunean "ez dira eraikin horiek identifikatzen eta ez dira arrazoi juridikorik ematen erakusteko Generalitateko presidenteak eskatutako hura ezin duela bete".
"2019ko martxoaren 18ko Hauteskunde Batzorde Zentral honetarako akordioa (24 orduko epea) ez da 2019ko martxoaren 11ren (48 orduko epea) funtsez desberdina; aitzitik, funtsez berdina da. Beraz, ez da beharrezkoa eskatutako azalpena ematea", dio erresoluzioak.
Gainera, Batzordearen arabera, astelehenean emandako ultimatumak "Generalitateak agindua bete ezin dituen eraikinak identifikatzeko aukera" duela esan zuen, baina Torrak ez du egin.
Beraz, Hauteskunde Batzorde Zentraleko presidenteak Torrari denbora gehiago ematea baztertu du.
Zure interesekoa izan daiteke
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.