Zerrendarik bozkatuenak agintzea, EAJrekin akordioa egiteko PSEren baldintza
Euskadiko Alderdi Sozialistak baldintza bat jarri dio EAJri udaletxeetan eta foru aldundietan gobernatzeko itun orokorra adostu ahal izateko: bien artean boto gehien lortu duen alderdiak agintzea, hain zuzen ere.
Baldintza hori ez litzateke Irunen beteko; izan ere, Xabier Iridoy jeltzaleak alkatetza lehiatu nahi dio Jose Antonio Santano sozialistari, hauteskundetan PSE gailendu bazen ere.
EFE berri-agentziak zabaldu duenez, Gipuzkoako PSE-EEk ez du Irungo alkatetza galtzerik onartuko eta aipatu baldintza negoziatzen hasteko marra gorritzat jartzea eskatu diote zuzendaritza nagusiari.
Euskadiko Alderdi Sozialistaren zuzendaritza ados dago eta uste du ezinbestekoa dela EAJk oinarrizko baldintza hori onartzea negoziatzen hasi ahal izateko. Kondizio hori EAJk edo PSE-EEk irabazi duten udalerrietan aplikatuko lukete.
Halaber, beste alderdi batzuk gailendu diren herrietan, EAJk eta PSE-EEk bat egingo lukete alkatetzak eskuratzeko, Pasaian, Andoainen, Lezon, Mendaron, Soraluzen, Alonsotegin edo Laguardian, esaterako.
Andoni Ortuzar eta Idoia Mendia joan den asteazkenean bildu ziren lehendabiziko aldiz balizko itunaz hitz egiteko, baina gai orokorrez aritu ziren eta negoziazioa datorren astean izango da, oraingoz egutegirik zehaztu ez badute ere.
Udalak ekainaren 15ean osatuko dira, eta aurrez PSE-EEk kontsulta bat egingo du balizko akordioa berresteko. Beraz, ituna asteazkenerako eginda egon beharko litzatekeela aurreikusten da.
Albiste gehiago politika
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".