Balizko akordioak PSE-EErekin bakarrik bilatuko ditu EAJk
Euskal Autonomia Erkidegoko (EAE) udalak eta batzar nagusiak gobernatzeko balizko akordioak, hasiera batean, PSE-EErekin soilik negoziatzea erabaki du EAJren Euzkadi Buru Batzarrak (EBB) astelehen honetan. Jeltzaleen hitzetan, EH Bilduk eta Elkarrekin Podemosek bat egiteko erabakia hartu dute, posible den tokietan EAJ "kanporatzeko" helburu "bakarrarekin". Bi indar politiko horien "borondate irmo eta obsesiboa da", kritikatu du EBBk.
Udal eta foru erakundeen gobernagarritasuna bermatzeko, akordioak ixteko aukerak aztertzeko sozialistekin harremanetan jarriko direla azaldu dute EAJren EBBko iturriek.
Hasiera batean, zuzendaritza jeltzaleak ez du aurreikusten beste indar politikoekin biltzea, gainerako alderdiek "jadanik akordiorako edozein bide baztertu dutelako".
Zentzu horretan, EH Bilduko eta Podemoseko buruzagien adierazpenak "sakon" deitoratu ditu EBBk. "Publikoki eta behin baino gehiagotan irmo eta modu obsesiboan posible zaien udaletan bat egiteko borondatea azaldu dute, EAJ kanporatzeko helburu bakarrarekin", salatu dute jeltzaleek.
Nafarroako erakundeak osatzeko negoziazioari dagokionez, Napar Buru Batzarraren (NBB) zein Geroa Bai koalizioaren erabakietan eta kudeaketetan "konfiantza osoa" du EBBk.
Horrela, EBBk bi negoziazio esparruak bereizi ditu, Joseba Egibar GBBko presidenteak agertutako irizpidearen aurka. Sozialistekin hiru negoziazio "erpin" aipatu zituen Egibarrek: udalak, Espainiako Gobernua eta Nafarroa. Azkenari garrantzia "handia" eman zion EAJren Gipuzkoako buruzagiak.
EAJrekin akordioa berritzearen alde azaldu dira sozialistak. Salbuspenik gabeko akordio orokorra nahi du PSE-EEk udaletan zein lurralde historikoetan. Azken horietan tirabira gehiago izan dituzte jeltzaleek eta sozialistek.
Itunarekin hiru aldundiak eta udal gehienak (hiru hiriburuak eta herri jendetsuenak barne) mantenduko lituzkete EAJk eta PSE-EEk. Gainera, EH Bilduri sei alkatetza (bost Gipuzkoan eta bakarra Bizkaian) "kentzeko" aukera dute, eta PPri beste bat Araban, nahiz eta aurreneko indarra ez izan.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.