Eneko Goiak lekuko gisa deklaratu beharko du Bidegi auzian
Eneko Goia (EAJ), Donostiako jarduneko alkatea, lekuko gisa deklaratzera deituko du Azpeitiko Instrukzio-epaitegiak Bidegi auzian. Bestalde, herri-akzioak Markel Olano ahaldun nagusia deitzea eskatu zuen, baina azkenean ez da joango.
Herri-akzioaren (Inko Iriarte, Judit Garcia, Iban Asenjo eta Jon Albizu EH Bilduko batzarkide ohiak) helegitea partzialki onartu du Gipuzkoako Lurralde Auzitegiak. 2019ko otsailean lekuko batzuen deklarazioa, besteak beste, Olanorena eta Goiarena, baztertu zuen Azpeitiko epaitegiak. Herri-akzioak erabaki horren aurkako errekurtsoa aurkeztu zuen.
Biak ere 2015eko ekainean deitu zituzten, baina azkenean ez zuten deklaratu. Bitartean, ikerketa luzatu egin zen adituen txostenen eta proposatutako izapideen konplexutasunagatik. Horrek instrukzioa gehienez 5 urte luzatzera behartu zuen epaitegia 2017ko ekainean.
Goia, Felix Urkola (EAJ) Lazkaoko jarduneko alkatea (Aldundiko Kudeaketa eta Plangintza zuzendari ohia) eta Luis Maria Apraiz errepideetako zuzendari ohia lekuko gisa deklaratzera deitzea erabaki du Lurralde Auzitegiak, baita IDOM ingeniaritzako teknikari bat ere.
Bidegi auziaren ikerketa 2014ko azaroan hasi zen. AP-1 autobidearen eraikuntzan diru publikoak bidegabe erabiltzea eta agiriak faltsutzeagatik kereila aurkeztu zuen Gipuzkoako Aldundiak, orduan EH Bilduren gobernupean.
AP-1 autobidearen (Eskoriatza Iparraldea-Arrasate Iparraldea) tarte batean lur mugimendu, indusketa eta soberakinekin zerikusia du aurreneko kereilak. 13,6 milioi euroko ustezko iruzurra zenbatu zuen akusazioak. Ondoren kereila zabalagoa planteatu zuten, Apotzaga, Izurieta eta Gurutze Txikiko tunelen lanetan ustez izandako irregulartasunengatik.
Beranduago, Aldundiak bigarren kereila bat aurkeztu zuen ustez diru publikoak bidegabe erabiltzeagatik, 17,1 milioi euro, hain zuzen ere. Era berean, Isuskitzako tunelen lanak ordaintzeko orduan agiriak faltsutzea egotzi zuen.
Goiak bigarren kereila honekin lotuta deklaratu beharko du; izan ere, 2011ko urtarrilaren 24an Kontseilu Mistoaren (Gipuzkoako eta Arabako aldundiak osatuta) bilera zuzendu zuen. Arabaten (autobideak kudeatzen dituen elkarte publikoa) ekarpena onartu zuten bileran; izan ere, AP-1eko Eskoriatza-Arlaban tartearen 1.300 metro Arabako lurraldean daude.
Azpeitiko epaitegiaren irizpidearen aurka, Goia, Apraiz eta Urkolaren azalpenak garrantzitsuak direla ebatzi du Auzitegiak idatzian (ekainak 6).
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.