Eskuinari mesede egiteko, Navarra Sumarekin ituna izatea leporatu dio EH Bilduk PSNri
Udalen osaketaren biharamunean publiko egindako ohar batean, Nafarroako EH Bilduk gogor kritikatu du PSN, "eskuinei Nafarroako udal gobernuak emateagatik". "Nafarroako udal gobernuen osaketan argi ikusi dugu Navarra Suma eta PSNren arteko itunaren ondorioa zein den: eskuinei aurre egingo lieketen gehiengo alternatiboak ekiditea".
Atzo, izan ere, PSNk jarrera argia izan zuen bozketetan: bere botoa Navarra Sumarentzat edo EH Bildurentzat erabakigarria zen kasuetan, ez zuen horietako inoren aldeko botorik eman eta bere burua bozkatu zuen. Ondorioz, Navarra Sumak hartu zituen udal horietako alkatetza gehienak, Iruñea, Lizarra, Barañain, Burlata eta Egues Ibarra, esate baterako, gutxiengoan agindu beharko badute ere.
Gainera, Uharteko Alkatetzea lortu zuen PSNk zinegotzi bakarra izan arren (EH Bilduk agintzen zuen atzora arte), Navarra Sumako zinegotziek berari botoa eman ziotelako.
Aitzitik, Vianan eta Andosillan PSNk hartu zituen Alkatetzak, Navarra Sumarekin berdinduta egonda, EH Bilduren botoei esker.
"EH Bilduk alkatetzak aukeratzeko lan ildo zehatzak zituen. Batetik, aldaketaren indarrik bozkatuenari babesa eman, Zizurren edo Eguesen egin dugun bezala (Geroa Bai) edo EH Bilduren hautagaia babestu Iruñean, Lizarran edo Barañainen; eta PSN eta Navarra+en arteko berdinketa egonez gero, PSNri boza eman, eskuinek alkatetzak ez izateko, Vianan eta Andosillan egin dugun bezala" azaldu dute.
"Navarra Sumak eta PSNk udal 'agostazo' honen bidez gelditu gaituztela uste badute, oker dabiltza. EH Bilduk 30 alkatetza baino gehiago lortu ditu eta Nafarroako lehen indar munizipalista izaten jarraitzen du. EH Bilduko hautetsiek alkatetzetatik, udal gobernuetatik eta beraien eserlekuetatik lanean jarraituko dute, urte hauetan egindako bidean jarraitzeko eta hasitako politika sozialetan sakontzeko" ohartarazi dute.
PSNk eskuinari alkatetzak "oparitu" dizkiola berretsi du EH Bilduk oharrean: "Gurekin hitz egiteko betoaren atzean, eskuinekin egindako ituna ezkutatu nahi dute, eskuinen aginduetatik eta Madrilgo erabakietatik libre ibiltzeko ezintasuna ezkutatu nahi dute eta, aldi berean, nafar jendartearentzako proiektu falta ezkutatu nahi dute" amaitu dute.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.