Nafarroa gobernatzeko aurreakordioak 10 ekintza ardatz eta 400 neurri biltzen ditu
PSNk, Geroa Baik, Podemosek eta Ezkerrak ostiral honetan 2019-23 legealdirako itxi duten programa aurreakordioak 10 ekintza ardatz eta 400 neurri inguru biltzen ditu 77 orrialdetan. Sinatzaileek Maria Chivite sozialista Foru Gobernuko presidente izendatzeko konpromisoa hartu dute.
Sinatzaileen arteko desadostasunak ere jasotzen ditu aurreakordioak. Horien artean esanguratsuena abiadura handiko trenaren eraikuntza da.
Dokumentua arratsaldean jakitera eman dute, eta alderdiek berretsi beharko dute orain. 10 "ekintza ardatzekin" konpromisoa hartu dute lau alderdiek: pertsonetan oinarritutako politikei lehentasuna ematea; 2030 Agenda eta klima aldaketaren aurkako borroka bultzatzea; eta "bakearen, memoriaren, elkarbizitzaren eta indarkeriari zilegitasuna kentzearen" aldeko apustua.
Politika publiko guztietan genero berdintasuna, XXI. mendeko herritarren eskubide berriak bultzatzea, eraldaketa digitala, erreferentziazko zerbitzu publikoak, fiskalitate progresiboa, Nafarroako autogobernua "legearen barruan eta leialtasun instituzionalarekin" bultzatzea, eta "Nafarroako errealitate historiko, kultural eta soziala babestea".
Akordioa sinatu behar duten lau alderdien programen arteko desberdintasunak kontuan hartuz, "gutxieneko eduki" komun bat adostu dute aurrera eraman ahal izateko. Horretarako, "leialtasuna, elkarrizketa eta akordioak bilatzeko negoziazio esfortzua" ezaugarri izan behar dituzte sinatzaileek.
Autogobernuaren inguruko atala aipagarria da; izan ere, eskumen berriak negoziatzea planteatu dute, ikerketa zientifikoa eta espetxe osasuna esaterako, baita trafikoa erabat bereganatzea ere.
Nafarroa-Estatua batzorde berri bat sortzea nahi dute, Ekonomi Hitzarmenaren Koordinazio Batzordeko funtzioak bereganatu eta areagotzeko. Nafarroaren "ikur propioekin konpromiso argia" agertu dute sinatzaileek. Euroeskualdean presentzia izatea berretsi dute. Azkenik, "Estatuaren gobernazioan eta Espainia Europan presentzia" izateko Nafarroaren parte-hartzea areagotzea eskatuko dute.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.