Presoen ongietorriak egiten uzten duten udalei zigorra jartzea aztertuko du Espainiak
2011ko Terrorismoaren Biktimen Aitortza eta Babeserako Legearen erreforma prestatzen ari da Espainiako Gobernua, eta, zirriborro horren arabera, presoei harrera egiteko ekitaldiak galarazten ez dituzten udalei zigor ekonomikoak jar litzaizkieke.
Jesus Loza Espainiako Gobernuak Euskal Autonomia Erkidegoan (EAE) duen ordezkariak azaldu duenez, presoen ongietorriak galaraztea da erreforma horren helburu nagusia. Izan ere, uztailaren azken asteburuan Xabier Ugarte eta Jose Jabier Zabaleta preso ohiei Oñatin eta Hernanin egin zizkieten harrera ekitaldiek polemika sortu zuten. Ugartek 22 urte egin ditu espetxean, eta Zabaletak 29.
Legearen erreforma aurrera atera ahal izateko "diskrezioa" eskatu du Lozak, eta adostasunaren alde egin du. Halaber, presoen ongietorriek herritarren “kezka” sortzen dutela ziurtatu du Espainiako Gobernuaren ordezkariak, baina ekitaldi horiek saihesteko “ibilbide penal laburra” dagoela aitortu du, azken urteetan sortutako jurisprudentzia eta Europako Giza Eskubideen Auzitegiaren ebazpenak direla eta. Dena dela, ongietorriak galarazteko "arrakalak" egon badaudela uste du Lozak.
Gainera, kasu batzuetan ongietorrien antolatzaileek ez dutela harrera horien berri ematen salatu du Lozak, horrela, ekitaldik egin ahal izatea bermatzen dutelako eta zigorrak saihesten dituztelako.
Espainiako Gonernuko Barne Ministerioak erreforma horren zirriborroa prestatu du jada, eta zigor ekonomikoak aurreikusten ditu ekitaldiak saihesteko neurririk hartzen ez duten udalentzat.
Lozaren iritziz, Oñatin eta Hernanin ikusi zena "oraindik bere horretan jarraitzen duen gorrotoaren erakusle izan zen", eta, jarrera horrek, bere ustez, terrorismoaren berpiztea ekar dezake etorkizunean. Hala, epaitegiek ikuspuntu bera kontuan izan beharko luketeela esan du.
Espainiako Gobernuaren ordezkariak "elkarrizketaren" eta adostasunaren alde egin du, eta 2008ko Biktimen Legea onartzeko EAEn lortu zen adostasuna gogora ekarri du. Hala. "biktimen umilazioa eta terrorismoaren goraipamena" dakarten ekintzak saihestea eskatu du.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.