ETAko biktimen omenez jarritako plakei eraso egin diete Donostian
ETAko bost biktimen omenez aurreneko plakak jarri zituen Donostiako Udalak aurten. Ezezagunek eraso egin diete, eta esprai beltzarekin estali dituzte guztiak. Dagoeneko garbitu dituzte.
Terrorismoaren Biktimen Memorialak eta Covite eta AVT bezalako elkarteek erasoa salatu dute ostiral honetan sare sozialetan. Era berean, Eneko Goia Donostiako alkateak "irmo" gaitzetsi du.
Plakak martxoaren 23an jarri zituzten, Askatasunaren Hiribidearen espaloian. Juan Maria Araluce Gipuzkoako Aldundiko presidentea, haren txoferra Jose Maria Elicegui eta haren bizkartzainak, Antonio Palomo Perez, Luis Francisco Sanz Flores eta Alfredo Garcia Gonzalez poliziak, oroitzeko jarri zituzten. ETAk tirokatu zituen 1976an.
Plakak erasoaren tokian jarri zituzten. Horrela, terrorismoaren eta polizia gehiegikerien biktimak indibidualki oroitzeko prozesuari hasiera eman zion Udalak, eurekin duen "zorra" kitatzeko.
25 x 25 zentimetroko plakak dira, eta Askatasunaren Hiribidekoak orain arte jarritako bakarrak dira. Aurreneko lauak martxoaren 23an jarri zituzten, eta ekainaren 1ean Alfredo Garciarena jarri behar zuten, baina orain arte ez dute haren seniderik topatu, dagokion baimena eskatzeko.
"Horrela tratatzen dute terrorismoaren biktimen memoria Donostian: ezabatuz", salatu du Covitek Twitter sare sozialean. Alkateak "zerbait egitea" espero dutela erantsi du elkarteak.
Albistearen berri izan bezain laster Goiak agiri bat argitaratu du, "ezin zurituzko erasoa irmo" gaitzesteko. "Lotsagarria da, nahigabe handiagoa baino ez du sortzen", adierazi du.
Gainera, plakak garbitzeko edo konpontzeko agindua eman die alkateak Udaleko mantentze-lan zerbitzuei. Dagoeneko garbitu dituzte.
"Gogorarazi beharra dago, giza eskubideen urraketa baten memoriarako osagaiak dira, eta horregatik errespetatu behar dira", nabarmendu du alkateak.
Era berean, erasoa "irmo gaitzetsi" du Eusko Jaurlaritzak. "Hilzorian dagoen iragan baten parte da; euskal gizartearen gehiengo zabalak gaitzetsi du", azpimarratu du Exekutiboak.
"Biktimen sufrimenduarenganako errespetua" eskatu die Lehendakaritzak sabotajearen egileei. "Euren gizatasunaren barruan beharrezko gutxieneko sentsibilitatea bilatzeko" eskatu die, "hurkoaren sufrimenduarenganako oinarrizko errespetu eta enpatia agertzeko".
"Erasoa egin dutenen gizatasun falta bakarrik deskribatzen dute pintadek", nabarmendu du Jaurlaritzak. Bestalde, biktimei "babes osoa" azaldu die Exekutiboak, "euskal gizartearen elkartasuna izango dutelako, orain eta etorkizunean".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.