'Mila mezu, mila muxu' Altsasuko gazteentzat, 1.000. espetxe egunean
Altsasuko gazteen askatasuna aldarrikatu dute ehunka lagunek Beriain mendiko tontorrean, Jokin Unamunok, Oihan Arnanzek eta Adur Ramirez de Aldak espetxean 1.000 egun betetzen dituzten egunean.
Altsasu auzian auzipetutako gazteetatik hiru horiek dira kartzelan denbora gehien igaro dutenak. Martxoan, zortzi gazteei ezarritako zigorrak berretsi zituen Auzitegi Nazionalak, terrorismo delitua baztertuta. Irailaren 18an, defentsen helegitea aztertuko du Auzitegi Gorenak.
Data hori gogoan dutela, hiru gazteek dagoeneko 1.000 egun kartzelaratuta eman dituztela gogorarazi eta salatu dute, 1000 egun, mila mezu, mila muxu! Altsasukoak aske! ekimenaren hasiera ekitaldian.
9:30etan, Unanutik (Nafarroa) abiatu dira, Beriain mendira. Auzipetu bakoitzaren irudia duten kartelak eraman dituzte Sakanako gailurrera. Eguerdi aldera heldu dira tontorrera, eta bertan, gazteentzako mezuak idazteko aukera ematen duen liburu bat aurkeztu dute.
Bel Pozuetak azaldu dutenez, espetxeratutako gazteek "telebistatik ikusiko dute" altsasuarren aldeko elkartasuna. Beriain mendira igotzeko bidea azken 1.000 eguneko ibilbidearekin alderatu du Bel Pozuetak: "lainoa, harriak, aldapa eta, hala ere, tontorrera igo gara".
Irailaren 18an ere "tontorrera" iristea espero dute Altasuko Gurasoek. "Handik gutxira, gure tontorra aurkituko dugu, eta esango dugu: 'baditugu arrazoiak ospatzeko, askatasuna lortu dugu'. Hori izango da gure tontorra".
Altsasuko gazteei elkartasuna adierazteko 1.500 metro inguru igotzeko prest egon diren herritarrei eskerrak "bihotz bihotzez" eman dizkie Pozuetak. "1.000 egun egon gara injustizia bizitzen, baina 1.000 egun hauetan gaur sentitu duguna sentitu dugu: herri bat dagoela gurekin", esan du Pozuetak, Kataluniatik etorritakoei ere eskerrak emanez.
Altsasukoen aldeko mezua Beriain mendian. Irudia: EiTB
Altsasukoak Aske plataformako kide batek esan duenez, "urteetan oroituko ditugu" 1.000 egun hauetan izandako "milaka maitasun eta elkartasun keinuak", eta hori irudikatzeko, liburuan lehen mezuak idazten hasi dira Beriain mendira igotakoak.
Menditik Altsasura bizikletaz, parapentez, patinez eta oinez heldu da mezu liburua, 20:00etan.
Ordu horretan elkarretaratzea egin dute Foruen plazan. Momentu hori baliatu dute, gainera, gazteen askatasuna eskatzeko mural bat egiteko.
Arratsalde osoan zehar, erakusketak, proiekzioak, gazteei mezuak bidaltzeko postu bat eta bestelakoak egon dira ikusgai Nafarroako herrian.
Antolatzaileek herritarrek sare sozialetan gazteen aldeko mezuak #AltsasukoakAske traola erabilita zabaltzeko eskatu dute, eta gero haiei helaraziko dietela esan dute.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.