PSOEk ez du Podemosen asmoa ulertzen, aurrekoan koalizio gobernua ‘galarazi’ ostean
Adriana Lastra PSOEko bozeramaileak astearte honetan adierazi duenez, PSOEk ez du ulertzen koalizio gobernu bati buruzko negoziazioa berrabiarazteko asmoz Unidas Podemosek aurkeztu dion proposamena. Izan ere, uztaileko inbestidura saioan “gobernu sozialista bat osatzea galarazi zuen” koalizio moreak.
Diputazio Iraunkorra elkartu aurretik Kongresuan egindako agerraldian, Lastrak azpimarratu du PSOE eta Unidas Podemos elkartzen direnean negoziazioak “hasieratik” egin beharko dituztela, gobernu programa bat adostu ahal izateko. Halaber, "gainerako taldeei" Espainiako Gobernuaren osaketa "blokeatzen" ari direla leporatu die, eta Pedro Sanchezen "alternatibarik ez" dagoela ziurtatu du.
Unidas Podemosekin zergatik eman dituzten negoziazioak apurtutzat galdetu diotenean, Lastrak erantzun du haiek izan zirela elkarrizketak hautsitzat eman zituztenak, “koalizio gobernu baten aukera baztertu zuten unean".
Halaber, Pablo Echeniqueri erantzutean "zuhur" jokatu nahi duela esan du Lastrak, eta ondorengoa gaineratu du: "Abuztuan ez naiz Podemoseko inongo bozeramaileren probokazioan sartu, eta ez dut orain egingo".
Testuinguru horretan, "koalizio gobernu bat osatzeko beharrezkoa den konfiantza" uztaileko inbestidura saioan hautsi zela berretsi du.
Halaber, gizarte zibileko erakundeekin egindako bileren ostean, irailean alderdi politikoekin elkarrizketak hasiko dituztela nabarmendu du, baina ez du zehaztu zeinekin elkartuko diren ezta zein egunetan egingo dituzten bilerak.
Belarrak "akats bat” ikusten du PSOEren estrategian
Bestalde, Ione Belarra Espainiako Kongresuko Unidas Podemoseko bozeramailearen ustez, PSOEren "xantaia eta negoziazio ezaren estrategia akats bat da", eta "mahai gainean" beste aukerarik ez egotea deitoratu du. Gainera, bi alderdiek oraindik ez dutela negoziazioak berrabiarazteko hitzordurik antolatu jakinarazi du.
Hala, Unidas Podemosek joan den astean PSOEri aurkeztu zion proposamen programatikoa gobernua osatzeko "eskaintza ona" dela nabarmendu du Belarrak, eta akordioa "errazago" ezin dietela jarri ziurtatu du. Testuinguru horretan, akordio baten negoziazioa "azken 48 orduetarako" ez uzteko eskatu die sozialistei.
"Ez nuke inoiz ulertuko hauteskundeak errepikatu behar izatea Sanchezen jarreragatik; arduragabekeria hori egitea, norbaitek belarrira xuxurlatzen diolako inkesten arabera emaitza hobeak lortu ditzakeela", ohartarazi du.
Hala, elkarrizketari lehenbailehen berriro ekitea aukerarik onena izango litzatekeela esan du Belarrak, eta sozialistek proposatzen duten gobernu eredua baztertu du, hauteskundeak aurreratu behar izan dutenez “porrot egin duela” iritzita.
"Akordioa ahalik eta errazena jartzeko urrats guztiak eman ditugu, baina Sanchezen txanda da orain", esan du Belarrak. Hala, zentsura mozioan gertatu zen ez bezala, PSOEren hautagaiari ez diotela berriro “doako botorik” emango gaineratu du.
"Ardurak hartu nahi ditugu gobernuan, sinatzen ditugun politikak gauzatzen direla bermatu nahi dugulako", azaldu du Belarrak.
Belarrak baztertu egin du Sanchezen balizko inbestidura baterako PSOErekin negoziazio berri batek nolabaiteko desadostasunak sortu ditzakeen koalizio morean, haien artean askotan eztabaidatu eta hitz egin duten dokumentua aurkeztu baitute.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.