Podemosekin 'lehenbailehen' negoziatzeko eskatu diote sindikatuek Sanchezi
Unidas Podemosekin "lehenbailehen" negoziatzeko eskatu diote sindikatuek Pedro Sanchez Espainiako Gobernuko jarduneko presidenteari, hauteskundeen errepikapena saihesteko eta irailean Exekutibo "aurrerakoi" bat osatzeko. Gizarte politikei heltzea, lan erreformak indargabetzeko "premia larria" eta pentsio publikoen finantziazioa bermatzea beharrezkoa dela gogorarazi diote sindikatuek agintariari. Sanchez "harbera" agertu da eskakizunen aurrean.
Egoera politikoa aztertzeko bilera egin dute Unai Sordo eta Pepe Alvarez CCOOko eta UGTko idazkari nagusiek, hurrenez hurren, eta Sanchezek. Era berean, Magdalena Valerio jarduneko Lan ministroak batzarrean parte hartu du.
Irailaren 23a baino lehen Gobernua osatzeko akordio bat adostea "beharrezko baldintza" dela azpimarratu du Alvarezek, hauteskundeak saihesteko; izan ere, "arazo nagusiei heltzea eragozten duen behin-behinekotasun politikoarekin" lau urte eman dituzte dagoeneko, eta "zalantzak" areagotuko lirateke.
Zentzu horretan, egoera instituzionala "lehenbailehen" normalizatzeko eta elkarrizketa politikoari "berehala" heltzeko eskatu dio Sordok Sanchezi, Espainiaren erronkei aurre egiteko akordio programatikoa ixteko.
Bestalde, politikaren erdigunean enpresa jarriko duen Gobernu "moderatu eta egonkor" bat beharrezkoa dela esan diote Antonio Garamendi CEOEko presidenteak eta Gerardo Cuerva Cepymeko buruzagiak Sanchezi. Gainera, nazioarteko testuinguru "zailaz" ohartarazi diote, gerra komertziala, yuanaren debaluazioa eta brexit-a aipatuz.
Azkenik, ATA, UPTA eta Uatae autonomoen elkarte nagusiek "prekarietate politiko" eta gobernagarritasun ezarekin amaitzeko eskatu diote jarduneko gobernuburuari. Kolektiboaren "premiei" erantzun bat emateko Gobernu "egonkor" bat osatzea beharrezkoa dela uste dute. Besteak beste, berankortasun publikoa eta pribatua edo Gizarte Segurantzarekin zorrak dituzten autonomoen erretiroa aipatu dituzte.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.