Espainiako erregeak gaur amaituko du bilera erronda Kongresuko alderdiekin
Felipe VI.a Espainiako erregeak gaur amaituko du Kongresuan ordezkaritza duten alderdi politikoekin (ERC eta EH Bildu salbu) egiten ari den bilera erronda. Elkarrizketak amaitutakoan, argituko da Espainiako Gobernuko presidentea izendatzeko inbestidura saiorik izango den edota, hautagairik proposatu ezean, azaroaren 10ean hauteskundeak errepikatuko diren.
Atzo, astelehena, Kongresuko alderdi txikienekin batzartu ostean, gaur handienen txanda izango da: Unidas Podemos, Ciudadanos, PP eta PSOE.
Espainiako erregeak 10:00etan hasiko du lehen bilera Laura Borras Junts per Catalunyako ordezkariarekin. Haren ondoren joango dira Jaume Asens (En Comu), Santiago Abascal (Vox) eta Pablo Iglesias (Unidas Podemos). Arratsaldean, ostera, Albert Rivera (Ciudadanos), Pablo Casado (PP) eta Pedro Sanchez igaroko dira Zarzuela jauregitik (PSOE). Azken batzarra 18:00etan hasiko da.
Elkarrizketa erronda amaitutakoan, Espainiako erregeak Meritxell Batet Kongresuko presidenteari jakinaraziko dio inbestidurarako hautagai bat proposatzen duen edo osterantzean irailaren 23an azaroaren 10erako hauteskunde deialdia egingo den.
Azken orduotan, Albert Rivera Ciudadanoseko buruak eskaintza egin dio Pedro Sanchezi, eta bere alderdiaren abstentzioaren truke hiru baldintza jarri dizkio, tartean, Nafarroako Gobernua haustea.
Pedro Sanchezek, ostera, Riverak jarritako baldintzak baztertu ditu. Gaineratu duenez, ez dago "benetako oztoporik" PP eta Ciudadanos abstenitzeko.
Bestalde, atzo bilera egin zuten Riverak eta Casadok abstentziorako proposamena mahai gainean zutela, baina PPk aukera hori baztertu du.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.