Azaroaren 18ra atzeratu dute lazo horiak ez kentzeagatik Torraren aurkako epaiketa
Eraikin publikoetatik hauteskunde kanpainan lazo horiak ez kentzeagatik Quim Torra Kataluniako presidentearen kontra egingo den epaiketa azaroaren 18ra atzeratzea erabaki du Kataluniako Justizia Auzitegi Nagusiak.
Datorren astean zen hastekoa epaiketa, irailaren 25ean, baina gaur kaleratu den erabaki honekin, hauteskunde orokorrak bukatutakoan abiatuko da.
Torraren defentsak Jesus Maria Barrientos eta Mercedes Armas epaimahaikideen kontrako errekusazio eskariak aurkeztu zituen, hainbat arrazoi tarteko, eta horiek argitzeko denborarik ez dutela izan argudiatu dute epaiketaren eguna atzeratzeko.
Hain zuzen, Carlos Ramos magistratuak ebatzi behar zuen Barrientosen eta Armasen aurkako errekusazio eskarien inguruan, eta Ramos bera ere errekusatzea eskatu dute aste honetan Torraren abokatuek, "PSC alderdiarekin lotura estua" duela argudiatuta.
Politika orokorreko eztabaida hartuko du datorren astean Kataluniako Parlamentuak, eta, hori dela eta, Torrak epaiketa bertan behera uzteko eskatu zuen, ezingo zuelako saiora aurkeztu. Ez zioten eskaria onartu, baina, orain, egun gutxi batzuk geroago, izan dute atzerapenaren berri.
Horrela, hauteskunde orokorren ostean epaituko dute Kataluniako presidentea. Ordurako, gainera, prozesu independentistaren kontrako epaia jakinaraziko dute, ia ziur.
Desobedientzia delitua egotzita, urtebete eta zortzi hilabeteko espetxe-zigorra eskatu du Fiskaltzak Torrarentzat. Apirilaren 28ko hauteskunde orokorren kanpainan, erakundeetan jarrita zeuden lazo horiak kentzeko agindu zion Hauteskunde Batzordeak Kataluniako presidenteari, baina ez zituen agindutako epean erretiratu.
Kataluniako Justizia Auzitegi Nagusiak 48 ordu eman dizkio Torrari Generalitateko Jauregitik kentzeko preso eta erbesteratuen aldeko pankarta
Bestalde, Generalitateko Jauregiko fatxadatik politikari presoak askatu eta erbesteratuak itzultzeko galdegiten duen pankarta kentzeko eskatu dio Kataluniako Justizia Auzitegi Nagusiak Torrari, eta 48 orduko epea eman dio horretarako. Pankarta horretan, lazo hori bat ere badago.
Gonzalo Boy Kataluniako presidentearen abokatuak deitoratu egin du erabakia, eta auziaren muinean ez daudela "lazoak" eta "publikoa den gunearen neutraltasuna" esan du, "gaitasungabetzeak eta egoera politikoa asaldatzea" baizik.
Nolanahi ere, Quim Torrak preso politikoen eta erbesteratuen aldeko pankarta dagoen tokian utziko du oraingoz, eta kentzeko aginduaren aurkako helegitea jarriko du. Ohar baten azaldu duenez, pankartako goiburuarekin "Kataluniako gizartearen gehiengo oso zabalak bat egiten du, eta presoekin eta erbesteratuekin Kataluniako Gobernuak konpromiso demokratikoa du". Torraren iritziz, errepresioa pairatzen ari dira presoak eta erbesteratuak, demokrazia, hauteskunde-aginduak eta oinarrizko eskubideak babesteagatik.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.