Fiskaltzak Torraren aurkako kereila aurkeztu du, lazo horien auzia tarteko
Kataluniako Fiskaltza Nagusiak kereila aurkeztu du Quim Torra presidentearen kontra, desobedientzia egotzita. Kereilak begizten auzia du oinarri, hau da, Generalitateko eraikin publikoetan jarritako begizta hori eta preso politikoak aske uztea eskatzen zuten pankartak kentzeko Hauteskunde-batzordeak emandako agindua ez betetzea.
Fiskaltzak Kataluniako Auzitegi Nagusiaren aurrean aurkeztu du kereila. Testuan dioenez, Torrak "kontzienteki eta nahita sinbologia alderdikoia" mantentzeko hautua egin zuen.
Ministerio publikoaren arabera, Generalitatearen eraikinetan "gizartearen zati bat soilik ordezkatzen duten" ikur, argazki eta irudi "ideologikoak eta alderdikoiak ezkutuan edo modu sinbolikoan" mantendu zituen.
Kereila Carlos Ramos Kataluniako Justizia Auzitegi Nagusiko magistratuak aztertuko du orain, tramitera onartu edo atzera botatzea erabakitzeko.
Generalitatearen kereila, Hauteskunde-batzordeari
Bestalde, Quim Torrak Espainiako Hauteskunde-batzordearen aurkako kereila aurkeztu du gaur goizean, prebarikazio delitua egotzita. Joan den astean iragarri zuen hala egingo zuela, Hauteskunde-batzordeak eraikin publikoetan lazo horiak erabiltzea debekatu eta gero.
Auzitegi Gorenak kereila atzera botaz gero eta "Espainiako Erreinuak gertatutakoa ikertu nahi ez badu", Generalitateak Europako Auzitegira jotzeko prest dagoela esan du.
Horrez gain, Torrak gogor kritikatu du Fiskaltzak desobedientzia leporatuta bere aurka jarri duen kereila: "Argi geratu da errepresioak ez duela etenik. Estatu espainolak ez ditu ezberdintasun politikoak onartzen".
"Lazo horien auzian irmotasunez jokatu nuen, eskubide zibil, sozial eta nazionalen defentsan eta adierazpen askatasuna aldarrikatzeko", adierazi du Torrak ohar batean.
Generalitateko presidenteak esan du prozesu judizial honetan bere burua defendatuko duela eta, beraz, beharrezkoak diren alegazioak eta helegiteak aurkeztuko dituela azpimarratu du.
Zure interesekoa izan daiteke
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.