Torra: 'Ezin dugu existitzen ez dena gaitzetsi'
"Ezin dugu existitzen ez dena gaitzetsi", adierazi du Quim Torra Generalitateko presidenteak; izan ere, "independentismoa beti baketsua izan da" eta horregatik "indarkeriaren aurka modu naturalean talka egin du". "Gu ez gara biolentoak", ziurtatu du.
Berak indarkeria "beti" gaitzetsi izan duela adierazi du Kataluniako presidenteak Lledonerseko (Bartzelona) espetxearen aurrean, hori bai, "gertatu izan denean".
"Existitzen ez dena ezin dugu gaitzetsi; gu ez gara biolentoak", errepikatu du. "Indarkeria gertatu denean gaitzesteko inongo arazorik ez dugu izan, baina eraman nahi gaituzten lekura ezin gara joan, sinpleki", erantsi du.
2017ko urriaren 1ean izandako "Estatu indarkeria" gaitzestea eskatu die Estatuari eta "155. artikulua babestu duten alderdiei", "gaitzetsi beharreko indarkeria bakarra horixe izan delako".
Hauteskunde orokorrei dagokionez, Pedro Sanchez Espainiako jarduneko gobernuburuak "porrot egin duen bakarra" izan dela esan du Torrak, Kongresuan inbestidura gainditzea lortu ez duelako.
Torraren ahotan, hauteskundeak errepikatu behar baldin badira, "Kataluniako jendeari entzun gabe gobernatzerik ez dagoelako izan da". Kataluniaren borondatea "errespetatzeko" eskatu du, bestela "Estatuaren ezegonkortasuna eta krisi sakona" luzatuko da, erantsi duenez.
"Eta Sanchez presidenteari ezezko botoa berriz eman behar baldin badiogu, berriro ezezko boza emango diogu", adierazi du presidentak hauteskunde osteko inbestidura saio berriari erreferentzia eginez.
Hunkituta, Torrak independentismoari "batasuna" eskatu dio, "probokazioetan" ez erortzea eta "irribarrea berreskuratzea", nahiz eta Estatuak "muga guztiak" gainditu.
"Hasten den garai berrian", laster ezagutu beharreko Gorenaren epaiari erreferentzia eginez, soberanismoak berriz "aurrea hartu" behar duela eta "alai eta kementsuagoa" izan behar dela esan du buruzagiak.
Bestalde, pankarta Generalitateko jauregian "mantenduko" duela ziurtatu du Torrak, nahiz eta Justiziak kontrakoa agindu eta kargu publikoan aritzeko debekua ezarri.
Carles Puigdemont Kataluniako presidente ohiak bideokonferentzia bidez parte hartu du Waterlootik (Belgika). Zuzenean Sanchezi zuzendu zaio, eta "Kataluniako Gobernuak ez du sekula X jaunik izango GAL bezalako erakunde armatu batean", esan dio. Kataluniako kontseilari bat "norbait bahitzeagatik zigortuta" sekula ez dutela ikusiko gaineratu du.
"Independentismo guztia kriminalizatzeko estrategia", salatu du Puigdemontek. Horren aurrean "erantzun bakarra da posible": "Demokraziaren armak erabili behar ditugu: bozak eta hautestontziak", azpimarratu du.
Bestalde, Lorena Roldan Ciudadanoseko buruzagiak iragarri duenez, "aste honetako gertakari larrien aurrean" Torraren aurkako zentsura-mozioa aurkezteko aukera aztertuko du alderdi laranjaren zuzendaritzak astelehen honetan.
Zure interesekoa izan daiteke
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.
Ezkortasuna alboratu eta Europan lidergo berri bat eraikitzeko deia egin du Arancha Gonzalez Layak
Arancha Gonzalez Laya Espainiako Gobernuko Kanpo Arazoetako, Europar Batasuneko eta Lankidetzako ministro ohiak Europan araudi juridiko bateratuak sortzeko eta "zatiketak" saihesteko deia egin du. Gonzalez Laya hizlari gonbidatua izan da Zedarriak Foroaren urteroko gosari-solasaldian.
Alfredo de Miguel Arabako EAJren buruzagi ohiak hirugarren gradua lortu du
Euskadin izandako ustelkeria sare handienaren buruak hirugarren gradua lortu du, bi urte eta erdi espetxean eman ostean (12 urteko kartzela-zigorra ezarri zioten). Baimen horri esker, astelehenetik ostegunera espetxetik aterako da lan egiteko, eta bertara itzuliko da lo egitera.
Pradalesek barkamena eskatu du iraungitako txertoengatik eta hitzeman du "erantzukizuna" norena den argitu egingo dela
Lehendakariak bere esku dagoen guztia egingo duela agindu du, "horrelako egoera bat berriro gerta ez dadin" eta "beharrezkoa balitz, erantzukizunak argitzeko".