Ciudadanos eta UPYD elkarrekin aurkeztuko dira hauteskunde orokorretan
Ciudadanosek (Cs) gaur iragarri duenez, azaroaren 10eko hauteskunde orokorretan Unión, Progreso y Democracia (UPYD) alderdiarekin batera aurkezteko ituna lortu du. Hala, Cristiano Brown UPYDko buruzagia eta Fernando Savater filosofoa Ciudadanosen zerrendan aurkeztuko dira.
Cs-k ohar batean azaldu duenez, itunaren helburua "konstituzionalisten artean indarrak batzea" da. Brown eta Savater Madrilgo zerrendan aurkeztuko dira, 7. eta azken postuan, hurrenez hurren.
Ciudadanosen esanetan, "hauteskunde hauek erabakigarriak dira konstituzionalismoarentzat, eta bi profesional horien talentua alderdi laranjara batu da, UPYDk azaroko hauteskundeetara aurkeztuko ez dela iragarri ostean".
Aurretik ere elkarrekin aurkeztu dira bi alderdiok. Europako hauteskundeetan, adibidez, Cristiano Brown Ciudadanosen zerrendan joan zen, 11. postuan. Hautagaitza horren 2. postuan, berriz, Maite Pagazaurtundua aurkeztu zen.
Rivera eta Brown "pozarren" azaldu dira ituna erdietsi ostean. Ciudadanoseko buruak Twitterren duen kontuan azaldu duenez, "ohorea da askatasunarekin horren konpromiso handia duten bi pertsona ausartekin proiektua partekatzea, hala nola, Fernando Savaterrekin edota Maite Pagazaurtunduarekin". Bestalde, Cristiano Brown UPYDko idazkari nagusiak sare sozial bertsuan nabarmendu duenez, "demokrazia bere onera ekartzeko, erreformak egiteko eta blokeoa garaitzeko batu gara. Pozarren nago A10erako Ciudadanosen helburuak partekatzen ditugulako. Martxan gaude".
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.