Mugarri izango den ebazpenaren gakoak
Indarkeria ez zen 'proces'aren egitasmoaren parte izan, ez zen Konstituzioa botatzeko "benetako" arriskurik izan Katalunian, eta buruzagi independentisten "ameskeria" hutsa izan zen, Gobernuari presioa egiteko asmoz. Hala, Auzitegi Gorenak eztabaida itxi du: sedizioa izan zen, ez matxinada.
Horixe da auzitegiak eman duen 493 orriko ebazpenean ondorio nagusia, baina bestelako gako batzuk ere eskaintzen ditu, tartean 2017ko independentzia aldarrikapenaren izaera sinbolikoa, Governeko kideek diru-publikoa bidegabe erabili zutela, eta erkidego batek ez duela "erabakitzeko eskubidea", "helburu politikoa" besterik ez dela.
1.INDARKERIA EGON ZEN, BAINA MATXINADARIK EZ
Independentzia prozesuan indarkeria kasu "ukaezinak" eta "paradigmatikoak" izan zirela onartu du auzitegiak, irailaren 20an eta urriaren 1ean bereziki, baina ez omen dira nahikoa matxinadagatik zigortzeko (hori eskatzen zuen Fiskaltzak), indarkeria ez zelako "tresna" bat izan, "aurretik erabakia", "funtzionala" edo egokia independentzia lortzeko.
"Erretorika zabala" zuten arren, akusatuek ba omen zekiten "Estatuari gailentzeko" mediorik ez zutela, Estatuak izan baitzuen "uneoro indarraren, militarren, poliziaren kontrola", eta "konplota" galarazteko nahikoa izan zuen 155. Artikuluaren aplikazioa Estatuaren Aldizkari Ofizialean argitaratu, Gorenak ebazpenean azaldu duenez.
Horregatik, auzitegiak uste du ez zegoela "benetako" arriskurik Kataluniako Konstituzioa bertan behera geratzeko, herritarrak mobilizatzeko "ameskeria" edo "amarrua" besterik ez zelako izan. Gorenarentzat "altxamendu publikoa eta jendetsua" izan zen, Katalunian legedia ezartzea galarazi zuena, eta erabaki judizialak betetzea oztopatu zuena, eta hortik dator sedizioarena.
2. ZIRIA SARTU ZIETEN "ILUSIOA ZUTEN HERRITARREI"
Gorenak "ilusioa zuten herritarrei" ziria sartzea egotzi die buruzagi independentistei, eta herritarrei modu "sineskor" batean buruzagi politikoei sinetsi eta "errepublika burujabea" lortuko zutela pentsatzea. Baina Estatu berria "sustatzaileen pentsamenduan" soilik existitu zela ebatzi du Gorenak.
Hau da, Gorenak uste du "erabakitzeko eskubidea amarrua" izan zela "Estatu burujabe bat sekula ekarriko ez lukeen mobilizazio bat" lortzeko.
3. INDEPENDENTZIA ALDARRIKAPENA, SINBOLIKOA ETA ERAGIKORTASUNIK GABEA
Gai honetan Gorenak arrazoia eman die akusatuei, Parlamentuak irailaren 27an egin zuen independentzia aldarrikapenak baliorik ez zutela defendatu baitute.
4. BEREHALA IRITS LITEKE HIRUGARREN GRADUA
Fiskaltzak hirugarren gradua zigorraren erdia bete arte ez aplikatzea eskatzen zuen, baina Auzitegiak ez dio jaramonik egin, eta Generalitatearen Justizia Sailak erregimen irekia ezar diezaieke bi hilabeteko epean.
Ezerk ez die galarazten akusatuei (ia bi urte daramate preso) kartzela erregimena malgutzea, espetxera soilik lo egitera joatea kasu. Hori bai, Justizia Sailaren erabakiaren aurkako helegitea jar lezake Fiskaltzak, eta ondorioz, Justizia izango litzateke azken hitza izango lukeena.
Era berean, baimen ordinarioak jasotzeko aukeratik gertu daude, zigorraren laurdena betzearekin nahikoa baita.
5. PUIGDEMONT, BERRIRO JOMUGAN
Ebazpenean ia agertu ere egiten ez den arren, Auzitegi Gorenaren argudioak nahikoa izan dira Llarena epaileak berriro Puigdemonten estradizioa eskatzeko.
6. INOR EZ DUTE EPAITU BOTOA EMATEAGATIK
Ebazpenak isilarazi egin nahi izan du akusatuak bozketa batengatik zigortu dituztela dioen "mantra".
"Arrazoi horrengatik inor ez da auzipetu, inor ez da auzitegira joatera behartu, eta inork ez du gobernu isunik jaso", azpimarratu du auzitegiak, eta gaineratu du delitua "hautetsontziak defendatzeko deia egitea" eta poliziaren lana eta erabaki judizialak oztopatzea dela.
7. ERKIDEGOEK EZ DUTE ERABAKITZEKO ESKUBIDERIK
Erkidegoek ez dute erabakitzeko eskubiderik. Horixe adierazi du Gorenak, independentistek eskatzen duten printzipio hori ez dela existitzen eta ez dagoela Espainiak sinatutako nazioarteko itunetan argitu aurretik. Hori dela eta, erabakitzeko eskubidea "beti ezerezera jauzi egitea" izango dela eta 'proces'ean eskubide hori Espainiako Gobernua "presionatzeko eskubide" bihurtu zutela azaldu du.
8. MOSSOAK, U-1EN KONPLIZEAK
Josep Lluis Traperoren aurka matxinadagatik Auzitegi Nazionalean egingo duten epaiketaren atarian, auzitegiak ontzat eman du Kataluniako Poliziaren buru ohiak esandakoa, urriaren 1eko erreferenduma bertan behera uzteko eskatu ziola Generaliteari indarkeria arriskuagatik.
Baina, urriaren 1eko dispositiboa ez zela nahikoa izan, eta agente batzuen eta antolatzaileen artean "benetako konplizitatea" egon zela uste du Auzitegiak.
9. IRAILAK 20 ETA URRIAK 1, SEDIZIOAREN OINARRIAN
Auzitegiak goraipatu egin du desobedientzia zibilak "injustizia eta zapalkuntza egoerei aurre egiteko izan duen balio historikoa", baina uste du 'Jordiek' gehiegikeriaz jokatu zutela herritarrei Estatuko segurtasun indarren aurrean erresistentzia agertzeko eskatu zietenean.
10. DIRUA BIDEGABE ERABILTZEA, EZKUTATZEA ETA KONTROL FALTA
Delitu hori aurreko Generalitateko lau kideri leporatzen diete, funtsen kudeaketan "leialtasun eza" izateagatik, gastuak "nahita ezkutatu" zituztelako, Junquerasen kasuan "nabarmen".
Gorenak frogatutzat eman du hori, baina ez du zenbateko zehatzik eman (250.000 euro baino gehiago), eta mahai gainean jarri du "Ogasun Publikoaren Ministerioak" delituak "atzemateko kontrol gabezia".
Zure interesekoa izan daiteke
Laugarren Xedapen Iragankorra indargabetzeko tramitea hasi du UPNk
Cristina Ibarrola UPNko presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapen hori ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago eskatu behar zaio grebari amaiera emateko”
Eneko Andueza PSEko idazkari nagusia kritiko agertu da Monica Garcia Osasun ministroa jokatzen ari den paperaz medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko Faktoria saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta EAJrekin ikusteko dago”.
Javier De Andres: "Euskararen exijentzia mailak euskal gizarteak benetan eskain ditzakeenen gainetik daude"
Euskadiko PPko presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Bere ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik daudela".
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.