Hauek dira 'proces' auziagatik auzipetutako buruzagiei ezarri dizkieten zigorrak
Auzitegi Gorenak astelehen honetan jakinarazi ditu 2017ko udazkenean Kataluniako prozesu independentista abiatzeagatik auzipetutako hamabi buruzagiei ezarri dizkien zigorrak. Auzipetuetako bederatzik bi urte emango dituzte laster behin-behineko espetxealdian. Testuinguru horretan, hauek dira Gorenak buruzagi bakoitzari ezarri dizkion zigorrak:
- ORIOL JUNQUERAS: Generalitateko presidenteorde ohia eta Ekonomia eta Ogasun sailburu ohia.
13 urteko kartzela-zigorra eta gaitasungabetzea, sedizio eta diru publikoa bidegabe erabiltzea delituen pilaketa mediala dela eta.
Fiskaltzak 25 urteko kartzela-zigorra eta beste horrenbeste urterako inhabilitazioa eskatu zuen berarentzat, matxinadagatik, prozesu independentistaren sustatzaile izateagatik eta dirua bidegabe erabiltzeagatik.
Estatuko Abokatutzak 12 urteko espetxealdia eskatu zuen, sedizioa eta diru publikoa bidegabe erabiltzeagatik.
VOX alderdiak ordezkatutako herri akusazioak 74 urteko kartzela-zigorra eskatu zuen Junquerasentzat, matxinada, erakunde kriminaleko kide izatea eta diru publikoa bidegabe erabiltzea leporatuta.
- JORDI TURULL: Presidentetzako kontseilari ohia eta Kataluniako Gobernuko bozeramailea.
12 urteko espetxealdia eta gaitasungabetzea, sedizioaren eta bidegabeko erabileraren pilaketa mediala dela eta.
Fiskaltzak 16 urteko kartzela-zigorra eta 16 urteko inhabilitazioa eskatu zuen, matxinadagatik eta diru publikoa bidegabe erabiltzeagatik.
Estatuko Abokatutzak 11 urte eta sei hilabeteko espetxe-zigorra eta gaitasungabetzea eskatu zuen, sedizioagatik eta diru publikoa bidegabe erabiltzeagatik.
Herri-akusazioak, berriz, 74 urteko kartzela-zigorra eskatu zuen matxinada, erakunde kriminaleko kide izatea eta diru publikoa bidegabe erabiltzea egotzita.
- RAUL ROMEVA: Kanpo Arazoetako, Erakunde Harremanetarako eta Gardentasuneko kontseilari ohia.
12 urteko espetxe zigorra eta gaitasungabetzea sedizioaren eta bidegabeko erabileraren pilaketa mediala dela eta.
Fiskaltzak 16 urteko kartzela-zigorra eta 16 urteko inhabilitazioa eskatu zuen, matxinadagatik eta diru publikoa bidegabe erabiltzeagatik.
Estatuko Abokatutzak 11 urte eta sei hilabeteko espetxe-zigorra eta gaitasungabetzea eskatu zuen, sedizioagatik eta diru publikoa bidegabe erabiltzeagatik.
Herri-akusazioak, berriz, 74 urteko kartzela-zigorra eskatzen zuen matxinada, erakunde kriminaleko kide izatea eta dirua bidegabe erabiltzea egotzita.
- DOLORS BASSA: Lan eta Gizarte Gaietarako kontseilari ohia.
12 urteko espetxe zigorra eta gaitasungabetzea sedizioaren eta bidegabeko erabileraren pilaketa mediala dela eta.
Fiskaltzak 16 urteko kartzela-zigorra eta inhabilitazioa eskatu zuen, matxinadagatik eta diru publikoa bidegabe erabiltzeagatik.
Estatuko Abokatutzak 11 urte eta sei hilabeteko espetxe-zigorra eta gaitasungabetzea eskatu zuen, sedizioagatik eta diru publikoa bidegabe erabiltzeagatik.
Herri-akusazioak, berriz, 74 urteko kartzela-zigorra eskatzen zuen matxinada, erakunde kriminaleko kide izatea eta dirua bidegabe erabiltzea egotzita.
- CARME FORCADELL: Kataluniako Parlamentuko presidente ohia.
11 urte eta 6 hilabeteko kartzela-zigorra eta gaitasungabetzea, sedizioagatik.
Fiskaltzak 17 urteko kartzela-zigorra eta gaitasungabetzea eskatu zuen, matxinadagatik, prozesu independentistaren bultzatzaile izateagatik eta diru publikoa bidegabe erabiltzeagatik.
Estatuko Abokatutzak 10 urteko espetxealdi eskatu zuen, sedizioagatik.
Herri-akusazioak 62 urte eskatu zituen, matxinada eta erakunde kriminaleko kide izatea leporatuta.
- JOAQUIM FORN: Barne kontseilari ohia.
10 urte eta 6 hilabeteko kartzela-zigorra eta gaitasungabetzea, sedizioa egotzita.
Fiskaltzak 16 urteko espetxealdia eta gaitasungabetzea eskatu zuen, matxinadagatik eta diru publikoa bidegabe erabiltzeagatik.
Estatuko Abokatutzak, 11 urte eta sei hilabeteko zigorra eta gaitasungabetzea, sedizioagatik eta diru publikoa bidegabe erabiltzegatik.
Herri-akusazioak, berriz, 74 urteko kartzela-zigorra eskatu zuen matxinada, erakunde kriminaleko kide izatea eta dirua bidegabe erabiltzea egotzita.
- JOSEP RULL: Lurralde Antolaketako kontseilari ohia.
10 urte eta 6 hilabeteko kartzela-zigorra eta gaitasungabetzea, sedizioa egotzita.
Fiskaltzak 16 urteko espetxealdia eta gaitasungabetzea eskatu zuen, matxinadagatik eta diru publikoa bidegabe erabiltzeagatik.
Estatuko Abokatutzak, 11 urte eta sei hilabeteko zigorra eta gaitasungabetzea, sedizioagatik eta diru publikoa bidegabe erabiltzegatik.
Herri-akusazioak, berriz, 74 urteko kartzela-zigorra eskatu zuen matxinada, erakunde kriminaleko kide izatea eta dirua bidegabe erabiltzea egotzita.
- JORDI SANCHEZ: ANCko presidente ohia.
9 urteko espetxealdia eta gaitasungabetzea, sedizioagatik.
Fiskaltzak 17 urteko espetxe-zigorra eta gaitasungabetzea eskatu zuen, matxinadagatik, prozesu independentistaren bultzatzaile izateagatik eta diru publikoa bidegabe erabiltzeagatik.
Estatuko Abokatutzak 8 urteko kartzela-zigorra eskatu zuen, sedizioagatik.
Herri-akusazioak 62 urte eskatu zituen, matxinada eta erakunde kriminaleko kide izatea leporatuta.
- JORDI CUIXART: Omnium Culturaleko presidentea.
9 urteko espetxealdia eta beste hainbesteko gaitasungabetzea, sedizioagatik.
Fiskaltzak 17 urteko espetxe-zigorra eta gaitasungabetzea eskatu zuen, matxinadagatik, prozesu independentistaren bultzatzaile izateagatik eta diru publikoa bidegabe erabiltzeagatik.
Estatuko Abokatutzak 8 urteko kartzela-zigorra eskatu zuen, sedizioagatik.
Herri-akusazioak 62 urte eskatu zituen, matxinada eta erakunde kriminaleko kidea izatea leporatuta.
- MERITXELL BORRÀS: Gobernazio, Herri Administrazio eta Etxebizitza kontseilari ohia.
Eguneko 200 euroko isuna (hamar hilabetez) eta 1 urte eta 8 hilabeteko gaitasungabetzea desobedientzia delituagatik. Diru publikoa bidegabe erabiltzeagatik absolbitu egin dute.
Fiskaltzak 7 urteko kartzela-zigorra, 16 urteko gaitasungabetzea eta 30.000 euroko isuna eskatu zuen, desobedientziagatik eta diru publikoa bidegabe erabiltzeagatik.
Estatuko Abokatutzak 7 urte eta sei hilabeteko espetxealdia eta 30.000 euroko isuna eskatu zuen, sedizioagatik eta diru publikoa bidegabe erabiltzeagatik.
Herri-akusazioak 24 urteko espetxealdia eta 216.000 euro eskatu zuen, erakunde kriminaleko kide izatea eta diru publikoa bidegabe erabiltzea leporatuta.
- CARLES MUNDO: Justizia kontseilari ohia.
Eguneko 200 euroko isuna (hamar hilabetez) eta 1 urte eta 8 hilabeteko gaitasungabetzea desobedientzia delituagatik. Diru publikoa bidegabe erabiltzeagatik absolbitu egin dute.
Fiskaltzak 7 urteko kartzela-zigorra, 16 urteko inhabilitazioa eta 30.000 euroko isuna eskatu zuen, desobedientziagatik eta diru publikoa bidegabe erabiltzeagatik.
Estatuko Abokatutzak 7 urte eta sei hilabeteko espetxealdia eta 30.000 euroko isuna eskatu zuen, sedizioagatik eta diru publikoa bidegabe erabiltzeagatik.
Herri-akusazioak 24 urteko espetxealdia eta 216.000 euro eskatu zuen, erakunde kriminaleko kide izatea eta diru publikoa bidegabe erabiltzea leporatuta.
- SANTIAGO VILA: Enpresa eta Ezagutza kontseilari ohia.
Eguneko 200 euroko isuna (hamar hilabetez) eta 1 urte eta 8 hilabeteko gaitasungabetzea desobedientzia delituagatik. Diru publikoa bidegabe erabiltzeagatik absolbitu egin dute.
Fiskaltzak 7 urteko kartzela-zigorra, 16 urteko inhabilitazioa eta 30.000 euroko isuna eskatu zuen, desobedientziagatik eta diru publikoa bidegabe erabiltzeagatik.
Estatuko Abokatutzak 7 urte eta sei hilabeteko espetxealdia eta 30.000 euroko isuna eskatu zuen, sedizioagatik eta diru publikoa bidegabe erabiltzeagatik.
Herri-akusazioak 24 urteko espetxealdia eta 216.000 euro eskatu zuen, erakunde kriminaleko kide izatea eta diru publikoa bidegabe erabiltzea leporatuta.
Zure interesekoa izan daiteke
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.