Mobilizazio jendetsuak eta oldarraldiak Espainiako Gobernuaren ordezkaritzen aurrean
Bigarren egunez, protesta jendetsuak eta manifestarien aurkako Poliziaren oldarraldiak izan dira Katalunian.
Atzo, Espainiako Auzitegi Gorenaren epaia salatzeko mobilizazio nagusia Prateko aireportuan egin zuten, Tsunami Demokratikoa mugimenduak deituta. Gaurkoan, ostera, Espainiako Gobernuak Bartzelonan, Gironan, Lleidan eta Tarragonan dauzkan ordezkaritzen aurrean egin dituzte elkarretaratzeak.
Arratsaldean, 19:30 inguruan, milaka lagun Bartzelonako Mallorca kalean bildu dira, CDRek deituta, manifestazioan Espainiako Gobernuaren Ordezkaritzara joateko asmoz.
Alabaina, Esquadra Mossoek eta Espainiako Poliziak ingurua itxi dute, eta manifestariek ezin izan dute aurrera egin.
Hainbat lagunek sua piztu dute kale erdian. Mossoak suaren alde batera geratu dira, eta manifestariak bestera.
Tentsioak gora egin du, eta, azkenean, Mossoek eta Espainiako Poliziak manifestarien aurka egin dute. Korrikaldiak eta istiluak izan dira. Poliziak gutxienez hiru pertsona atxilotu dituela zabaldu dute agentziek.
40.000 manifestari Bartzelonan
Aldi berean, eta istiluak izan diren tokitik hurbil, dozenaka mila lagunek hartu dute parte ANCk eta Omniumek Espainiako Gobernuaren Ordezkaritzaren parean deitu duten elkarretaratzean.
Kandelak eskuan hartuta, bi orduko eserialdia egin dute. Tarte horretan, espetxean dauden buruzagi independentista katalanek idatzitako gutunak irakurri dituzte.
Bartzelonako Udaltzaingoaren arabera, 40.000 manifestari izan dira aipatu mobilizazioan.
Bestalde, Tarragonan, Gironan eta Lleidan ere elkarretaratzea jendetsuak egin dituzte. Poliziaren eta manifestarien arteko liskarrekin amaitu dira protestak.
Hainbat errepide eta trenbide, itxita
Protestak goizean goizetik hasi dira Katalunian, eta manifestariek ibilgailuen joan-etorria eten dute hainbat errepidetan; AP-7, C-25, C-17 eta N-260 errepideetan, besteak beste. Tren-zerbitzua etenda egonda Tarragonan eta Gironan ere.
Halaber, goizean, Bartzelonako eta Tarragonako portuetan, trenbidea 20 minutuz itxi dute manifestariek.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.