Faxisten eta independentisten arteko liskarrak izan dira protesten laugarren egunean
Kataluniako buruzagi independentisten aurkako epaia salatzeko, protesta jendetsuak eta baketsuak izan dira egunez Katalunian, baina gauean ultraeskuindar espainiarrak manifestari independentistei oldartu zaizkie eta istiluak izan dira Bartzelonan.
Bitartean, ANC eta Omnium erakunde zibilek antolatutako 'Askatasunaren aldeko Martxak' Bartzelonara bidean doaz, herriz herri, eta ostiral honetan iritsiko dira hiriburura, greba-eguneko manifestazio nagusiarekin bat egiteko.
Errepublikaren Defentsarako Batzordeek (CDR) deituta, 13.000 lagun inguru bildu dira arratsaldean Gracia auzoan. Jai giroan egindako mobilizazioa izan da.
1936an, ekitaldi antifaxista egin zuten Bartzelonan, naziek Berlinen antolatu zituzten Olinpiar Jokoen aurka. Ekitaldi hura gogora ekarrita, "Kirol eta Desobedientzia Jaia" antolatu dute CDRek.
Pilotak eta jolasak eraman dituzte, eta kontzertu inprobisatuak izan dira, manifestari batzuek gitarrak jota.
Mobilizazioa 19:00etan hasi eta 21:00etan amaitu dute. CDRek mezu bat zabaldu dute Twitter sare sozialaren bidez protesta amaitutzat eman dutela iragarri eta herritarrei ostiral honetako greba orokorrean goizean goizetik parte hartzea eskatzeko.
Faxisten eta independentisten arteko liskarrak
Alabaina, gauean eskuin muturreko taldeen eta manifestari independentisten arteko enfrentamenduak izan dira Bartzelona erdigunean, batez ere Rambla inguruan. Botilak eta bestelako objektuak jaurti dituzte.
Ultraeskuindarrek bilkura egin dute arratsaldean Sarria auzoan. Antifaxistek beste elkarretaratze bat egin dute haien parean. Tentsio uneak izan dira, baina, Esquadra Mossoek hartutako neurrien ondorioz, ez da ez borrokarik ez liskarrik izan.
Halere, gauean, faxistak hiriaren erdigunerako bidea hartu dute, burua estalita, makilak eta Espainiak banderak eskuan zituztela, eta independentisten aurkako eta Espainiaren aldeko oihuak eginez.
Dozenaka ultraeskuindarrek kalean bakarrik topatu duten gazte bat jipoitu dute. Ezustean harrapatuta, makilekin jo dute, eta lurrean botata zegoela, ukabilkadak eta ostikadak eman dizkiote.
Erasoaren irudiak laster zabaldu dira sare sozialen bidez.
Bestalde, manifestari antifaxistek suzko barrikadak jarri dituzte hiriaren erdiguneko hainbat kaletan, kontainerrei su emanda.
Mossoak manifestari independentisten aurka oldartu dira, eta burua estalita zuten hainbat lagunek botilak, suziriak eta molotov koktelak jaurti dituzte polizien kontra.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.