NBEk Madrilen egingo du klima aldaketari buruzko goi-bilera, abenduaren 2tik 13ra
Nazio Batuen Erakundeak (NBE) Madrilen egingo du klima aldaketari buruzko COP25 goi-bilera, abenduaren 2tik 13ra bitartean. Hala iragarri du ostiral honetan Patricia Espinosa Klima Aldaketari Buruzko NBEko idazkari exekutiboak, Pedro Sanchezen gobernuak egindako proposamena onartu ostean.
Hasieran, klima aldaketaren inguruko goi-bilera Txilen egiteko asmoa zuten, baina topaketa hori bertan behera utzi zuten, metroko txartelen prezioaren igoeraren aurkako protestak direla eta. Testuingu horretan, Sanchezek Madril eskaini zuen goi-bilera egiteko egoitza gisa, eta Sebastian Piñera Txileko presidenteak Espainiako Gobernuaren "eskaintza eskuzabala" eskertu zuen. Hala, “egoera mingarri honi” lehenbailehen irtenbide bat emateko eskatu zuen.
NBE klima aldaketari buruzko goi-bilera beste toki batean egiteko prest agertu zen, eta gaur bertan baieztatu du lekualdaketa. "COP25 goi-bilera abenduaren 2tik 13ra Madrilen (Espainia) izango dela iragartzeak asko pozten gaitu", adierazi du Espinosak ohar batean.
Gauzak horrela, ez dute goi-bilera horren data aldatu. Hasiera batean, Brasilen egitea proposatu zuen NBEk, baina Jair Bolsonaro presidenteak ez zuen onartu, klima aldaketari aurre egiteko nazioarteko politikekin dituen desadostasunak direla eta.
Sanchezen gobernuak ostegunean azaldu zuenez, “COP25 goi-bilera normaltasunez egingo dela bermatzeko, presidenteak espazio bat utzi nahi die Txile eta Iberoamerikako eskualdeari. Horrela, topaketa hori aurera eramateko herrialdeak egin duen ahalegina eskertu nahi du, Espainiak atzerri politikarekiko duen lehentasunekin bat eginez”.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.