Albert Riverak dimisioa eman eta politika utzi du
Albert Riverak dimisioa aurkeztu du igandeko hauteskundeetan jasotako porrotaren ostean, izan ere, bere alderdia 57 eserleku izatetik 10 izatera igaro da Kongresuan eta 2,3 milioi boto galdu ditu. Ciudadanosen (Cs) zuzendaritza bildu da goizean, eta bertan jakinarazi du bere erabakia Riverak. Ondoren, galderarik gabeko agerraldia egin du.
13 urtez Cs-ren presidente izan denak hiru erabaki jakinarazi ditu agerraldian: "Bi politiko, eta bat pertsonala". Lehenengoa, bart "aurreratutakoa": Ciudadanosen presidente izateari utzi diola. Bigarrena, ez duela A10eko hauteskundeetan irabazitako diputatu akta jasoko. Hirugarrena, politika utziko duela.
Riveraren esanetan, "alderdi baten arrakastak denonak dira, baina emaitza txarrak, buruzagiarenak". Hala, "koherentziagatik eta erantzukizunagatik" Cs-ren presidente kargua uztea erabaki du, beste bati lekua utziz: "Beti pentsatu izan dut buruzagi batek aurpegia eman behar duela. Ausarta eta koherentea izaten saiatu naiz beti".
Jada Ciudadanosen presidente ohia denak uste du Espainiak "alderdi liberal eta zentrista" bat behar duela, "gorriaz eta urdinaz harago" (PSOEri eta PPri erreferentzia eginez).
Buruzagi gisa dimisioa emateaz gain, Kongresura diputatu akta jasotzera joango ez dela ere iragarri du. "Inoiz ez naiz politikan eserleku bati lotuta egon", azaldu du.
Riverak kezka agertu du Espainiaren egungo egoera politikoagatik, eta zortea opa die gainerako alderdiei. Jakinarazi du, era berean, bizitza publikoa utziko duela familiarekin, bikotekidearekin eta lagunekin egoteko. "Bizitza politika baino gehiago da, badut bizitza bat, izan nuen eta izango dut politika utzi ostean ere", adierazi du. Alderdikideek txalo zaparrada batekin eskertu dizkiote hitzok.
Riverak bart onartu ditu Ciudadanosen emaitza kaskarrak, "aringarririk gabe, aitzakiarik gabe", erantsi zuen. Horren harira, Ciudadanosen etorkizuna erabakitzeko ezohiko kongresu bat egitea proposatu zuen. Ez zuen zehaztu berak zer egingo zuen, baina berretsi zuen ez zela politikan sartu eserleku bakarra izateko.
Girautak ere agur
Juan Carlos Girauta bozeramaile ohiak ere iragarri du erretiro politikoa hartuko duela, ez duelako nahi politikan egon Rivera ez badago. Girauta eserleku barik geratu zen igandeko hauteskundeetan.
"Ez dut politikan egon nahi Albert bertan ez badago", nabarmendu du, eta "gizon on bat zapaldu" izana deitoratu du.
Zure interesekoa izan daiteke
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.
Epaile batek Vito Quiles atxilotzeko agindu du
Ez du zehaztu zergatik agindu duen neurri hori, baina Quilesek gutxienez auzi penal bat du irekita Beatriz Corredor Red Electricaren presidentearen etxera joateagatik.