Aurrekontuak onartzeko akordioa datorren astean ixtea espero du Elkarrekin Podemosek
EAEko aurrekontuak onartzeko akordioa datorren astean ixtea espero du Elkarrekin Podemosek, koalizio moreak Radio Euskadiko 'Parlamento en las Ondas' irratsaioan azaldu duenez.
Eusko Jaurlaritzaren eta Elkarrekin Podemosen artean adostutako aurreakordioarekin koalizio moreak 217 milioi euro zertara bideratu erabaki ahal izango du datozen bi urteetan, Cristina Macazaga koalizioko legebiltzarkideak zehaztu duenez.
Radio Euskadiko 'Parlamento en las Ondas' irratsaioan, akordioa 217 milioikoa izango dela adierazi du Macazagak. Zenbateko batzuk zehazteke daudela esan du legebiltzarkideak, eta datorren aste hasieran Eusko Jaurlaritzarekin adostuko dituztela erantsi du.
"Benetako akordio baten bezperan gaude", baieztatu du Joseba Egibar EAJko bozeramaileak, "datorren astean ixtea espero dugu". "Gobernuarentzat, Exekutiboko kideentzat eta gizartearentzat albiste ona da", gaineratu du jeltzaleak.
Bestalde, EH Bilduren aurka egin du Egibarrek: "EAJrekin negoziatu behar dugunean, benetako bertigoa sentitzen dugu".
"Podemosek EAJri aurrekontu batzuk onartzeko erabakia aldez aurretik hartu zuen, eta ondoren negoziazioa izan da. Aurrekontu hauek 2016tik ditugun kontu txar berdinak dira", kritikatu du Iker Casanovak (EH Bildu).
Gainera, 217 milioiko zenbatekoa zalantzan jarri du Casanovak: "Podemosek aurkeztutako zuzenketetan ez daudelako. Podemos EAJri zenbat urtez lotzen zaion ikusi beharko".
"Iaz negoziatzen ari zenean EH Bilduk ezberdin hitz egiten" zuela aurpegiratu dio Alexia Castelok (PSE-EE). "Haserretu eta jarrera gogortzen dute. Pankarta atzean eroso daude, alternatiba direla esanaz, baina ez dira sekula benetako alternatiba bat. Aurrekontuak aurrera ateratzearekin pozik gaude, izaera sozialeko politikak direlako, nahiz eta desitxuratzen saiatu", azpimarratu du.
Azkenik, Anton Damborenearen (PP) hitzetan, "adostea beti ondo dago. Halere, ituna baino lehenagoko aurrekontua dagoeneko txarra zen, eta orain Podemosen akordioak okertu besterik ez du egin. Guk duela bi urte zergak jaistea, gastu publikoa gelditzea eta inbertsioa areagotzea adostu genuen; orain, superabitarekin, 2018koa baino aurrekontu txikiagoa ekarri digute, inbertsio gutxiagorekin. Gastu gehiago du soilik".
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.