Ertzaintza: 'Alerta jihadistaren maila jaisteak ez du esan nahi erlaxatuko garenik'
Juan Vicente Bilbao Ertzaintzaren ikerketa kriminalerako buru ohi eta gaur egun Polizia Zientifikoko Unitateko buruzagia denak Eusko Legebiltzarrean esan duenez, "alerta jihadistaren maila jaisteak ez du esan nahi Ertzaintza erlaxatuko denik".
PPk hala eskatuta, agerraldia egin du Bilbaok Legebiltzarreko Segurtasun batzordean, irailaren 10ean Radio Euskadin egindako adierazpen batzuen inguruan azalpenak emateko. Elkarrizketa hartan, alertaren maila "malgutu" eta "lekuaren arabera moldatu" beharko litzatekeela esan zuen, maila berari denbora luzean eusteak "neurriek eraginkortasuna gal" dezaketelako.
Bilbaorekin batera, Estefania Beltran de Heredia Segurtasun sailburua izan da batzordean. Azaldu duenez, terrorismo mota horren aurrean bideratu beharreko baliabideak astero aldatzen dira, egoeraren arabera.
Ertzainburuaren esanetan, terrorismo jihadista "ezin da aurreikusi, baina horrek ez du esan nahi beti beldurrarekin bizi behar garenik".
Nabarmendu duenez, "Euskadi ez da terrorismo islamistaren jomuga", baina halere, Ertzaintza lanean ari da, prebentzioan zein aurre egiteko orduan.
Horregatik, neurri horiek malgutzearen alde egin du, aztertutako inguruabarren arabera. "Beste batzuek proposatzen dutena ez bezalako maila bat proposatzeak ez du esan nahi lasaitzen garenik", azpimarratu du.
Ildo beretik mintzatu da Segurtasuneko sailburua, eta adierazi du EAEk 3. mailako neurriak erabili ditzakeela, Estatuan indarrean dagoen 4. mailan nahitaez mantendu beharrean.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.