'Autokritika' eta ustelkeria eragozteko neurriak eskatu dizkio oposizioak EAJri
'De Miguel' auziko epaiaren ostean, EAJri "autokritika" eskatu diote oposizioko alderdiek. Aldi berean, "egoera bakan" bat ez dela ziurtatu dute, eta praktika horien aurka borroka egiteko neurri "zehatzak" eskatu dizkiete jeltzaleei; esaterako, Euskadin ustelkeriaren aurkako Fiskaltza bat sortzea.
"EAJk gehiago exijitu beharko luke", esan du Iker Casanova EH Bilduko bozeramaileak Radio Euskadiko 'Parlamento en las ondas' irratsaioan. 'De Miguel' auzia EAEn sekula epaitu den ustelkeria sumario garrantzitsuena da. Arabako Lurralde-auzitegiak EAJko hiru buruzagi ohi zigortu ditu, eta 13-6 urte arteko espetxe-zigorrak ezarri dizkie, 2005ean kontratu publikoekin iruzur egiteko eta legez kanpoko komisioak kobratzeko sare bat sortzeagatik.
"Ez da kasu bakan bat izan", azpimarratu du Casanovak; izan ere, "Osakidetzako lan eskaintza publikoak, eskoletako jantokietako hitzarmenak eta Getaria edo Alonsotegi bezalako udalen kasuak hor daude".
Casanovaren ahotan, EAJk "ez du behar bezain arduratsu jokatu aldentzeko" zein ikerketa "bultzatzeko" orduan.
Carmelo Barrio PPko legebiltzarkidearen hitzetan, "esleipen, kontratu eta komisioekin EAJren jokamoldea" dela agerian utzi du epaiak. "Ertzaintzak akusatuak atxilotu zituen arte" jeltzaleek "ez zuten zirkinik egin", alderdi barruan "ohiko praktika bat" zelako.
Barriok gogorarazi duenez, Iñigo Urkullu lehendakaria EAJko presidentea zen gertakariak jaso zirenean. "Beste batzuei bere buruari exijitzeko kapaz izan ez dena eskatu die", aurpegiratu dio PPko ordezkariak lehendakariari.
Julen Bollain Elkarrekin Podemoseko ordezkariak salatu duenez, "EAJren txartelak aberasteko ateak ireki dizkie batzuei". Ustelkeria kasuak "salatzen dituzten pertsonak babesteko" legez besteko proposamen bat aurkeztu dutela gogorarazi du Bollainek, eta "Euskadin ustelkeriaren aurkako fiskaltza bat sortzeko" beste bat.
Bestalde, Joseba Egibar EAJko bozeramailearen ustez, bere alderdia aberastu ez zela "argi utzi" du sententziak. "Diru-kutxa publikoari 175.000 euroko galera eragin ziotela demostratu da" epaiketan, eta epai irmoak diru kopuru horrekiko "zigorren neurria" islatuko du, gaineratu duenez.
Azkenik, Eneko Andueza PSE-EEko ordezkariak adierazi duenez, sistema judizialak "funtzionatzen" duela frogatu du epaiak. Hala ere, ustelkeria zantzuren bat dagoenean auziak justiziaren esku jartzeko "hobetzen saiatzearen" eta "azkarragoak" izatearen alde agertu da.
Albiste gehiago politika
EBri ezarritako % 30eko muga-zergekin kezkatuta, bidezko akordio bat espero du Eusko Jaurlaritzak
Mikel Jauregui Eusko Jaurlaritzako Industria sailburuak azpimarratu duenez, Euskadi prest dago bere industria defendatzeko Trumpen muga-zergen igoera aldebakarreko eta itundu gabeko baten aurrean, baina Europak "zentzuduna eta irmoa" izan behar du erantzunean, eta "zalantzarik egin gabe" babestu behar du Europako industria.
ERCk finantzaketa eredua zehazteko eskatu dio PSOEri, eta zerga agentzia independentea bultzatzeko
Salvador Illa Generalitateko presidente izendatzea errazteko PSCk eta ERCk lortutako akordioaren arabera, 2026tik aurrera Kataluniako Zerga Agentziak izan beharko luke Katalunian PFEZa biltzeko ardura.
Miguel Angel Blancori omenaldia Ermuan, ETAk hil zuela 28 urte bete direnean
Miguel Angel Blanco zenaren familiak eta alderdikideek hura oroitu dute larunbat honetan Ermuan, ETAk hil zuela 28 urte bete diren egunean. Miguel Tellado PPko idazkari nagusiak parte hartu du ekitaldian eta esan du Pedro Sanchezen Gobernuaren alternatiba "martxan" dagoela EH Bilduk "herri honen etorkizunaren koma bat ere ez dezan erabaki".
EAJk guztiontzako gobernatzen duela aldarrikatu du eta alderdiaren "zintzotasuna eta sinesgarritasuna" nabarmendu ditu
Amurrion egindako ekitaldi batean, Arabako ahaldun nagusiak adierazi du gizarte politikak, enplegua eta lurralde konexioa lehentasuna direla jeltzaleentzat. Gainera, AP-68 autobideko bidesarien prezioa murriztuko duela iragarri du.
Alderdi sozialistan ustelkeriak ez duela tokirik esan du Javier Hurtado Arabako sozialisten buruak
Politika negozioarekin nahasten dutenak alderditik kanpo geratu behar direla adierazi du larunbat honetan Gasteizen egindako ekitaldian. Halaber, PSE-EE Arabako erakundeetan egoteak lurraldeko proiektu garrantzitsuenetan aurrerapen handiak ekarri dituela esan du.
EH Bilduk Turkiako Gobernuari eskatu dio martxan jar dezala kurduen etorkizunaz hitz egiteko batzorde parlamentarioa
Turkian, PKKren armak entregatzeko ekitaldian izan ondoren, Igor Zulaika EH Bilduko Nazioarteko Harremanetarako idazkariak adierazi duenez, batzorde hori abiatzea "pauso garrantzitsua litzateke gatazkari irtenbidea bilatzeko. Bertan izan da EH Bilduren ordezkaritza "mugimendu kurduari eta munduan bakearen alde lan egiten duten guztiei gure babesa adierazteko", eta Gobernuari eskatu dio mugimendu kurduaren urratsei erantzun eta aske utz dezala Abdullah Öcalan.
PSOE 7,3 puntu jaitsi da CISean, Cerdanen auziaren ostean, baina, gutxigatik bada ere, irabazi egiten dio PPri
PSOEren estimazioak behera egin du, PPk irabazi egiten dio boto asmo zuzenean eta Vox % 18,3ra igo da, inoizko emaitzik onena. EAJk bi hamarren egin du gora boto estimazioan ( % 0,8) eta EH Bilduk 3 hamarren egin du behera (% 0,9).
EH Bildu eta Podemos bat datoz ziklo politiko berri bat abiatzeko beharrarekin
EH Bilduk Pedro Sanchezen inbestidura ahalbidetu zuten eragile politiko guztiekin irekitako bilera-sortan kokatzen da gaurko topaketa.
Auzitegi Nazionalak Josu Urrutikoetxea auzipetu du, herriko tabernen auziarekin lotuta
Santiago Pedraz magistratuak 2002a eta 2019a bitartean ETAko “buruzagi nagusietako bat” izatea egotzi dio, eta erakundearen disoluzioa iragarri izana nahikoa froga dela uste du horretarako.
Jacinto Polo Rios 'Malatesta' batailoi komunistako milizianoaren gorpuzkiak identifikatu dituzte Zornotzako hilerrian
Familiari identifikazioaren berri eman diote, eta Elgoibarko Duintasunaren Kolunbarioan lurperatzea nahi dute senideek, ekitaldi pribatu batean.