De Miguel auziak EAJren 'ibilbidea zikintzen' duela onartu du Urkulluk
De Miguel auzian zigortu dituzten pertsonen jokabideak EAJren "ibilbidea zikintzen" duela onartu du Iñigo Urkullu lehendakariak, Euskadin sekula epaitutako ustelkeria sumario garrantzitsuena izan baita. Auzipetu nagusiak EAJko kideak eta kargudun publikoak ziren.
Lehendakaritzako egoitzan, Gasteizen, egin ditu adierazpenak. EAEko erakunde, politika, gizarte, kultura eta ekonomiako ordezkariei harrera egin die Urkulluk.
"Zintzotasun, gardentasun, kontuak emate eta etika politikoarekin" konpromisoa berretsi du lehendakariak. Epaia mintzagai izan du Urkulluk hitzaldian. Komisioak kobratzeko eta kontratu publikoak lortzeko sare bat osatu zuten zigortu jeltzaleek.
"Nepotismoak ez dute justifikaziorik", irmo gaitzetsi du buruzagiak, baina jokabidearekin "eragile politikorik etekinik atera ez" zuela erantsi du. "Jarduera politikoan eraginik izan ez zuen jokabide desbideratu bat izan zen", zehaztu du agintariak.
"Hala ere, gizarteari barkamena eskatu diot, kargudun publikoak zirelako eta bidegabe aprobetxatu zirelako. Defendatzen ditudan balioen eta konpromisoaren aurkako jokabidea izan zuten, eta nire alderdiaren ibilbidea zikindu dute", azpimarratu du.
"Pertsona bakoitzak bere erantzukizun esparruan", eta lehendakariak "aurrena; etika, zintzotasun eta gardentasunarekin konpromiso handiena" izan behar du, nabarmendu duenez. "Kode etiko eta deontologiko kolektiboekin bakoitzaren koherentzia", aldarrikatu du Urkulluk, "baita betebehar moral pertsonalekin ere".
Bestalde, egoera politikoa hizpide izan du lehendakariak. Euskadin, Espainian zein Europan "ziurtasun eta egonkortasun testuinguru bat" erraztearen aldeko apustua berretsi du buruzagiak.
"Konfrontazio, ernegazio eta gobernagarritasun eza bultzatzen duten jarrerekin ez nago ados", baina "gatazka politikoak judizializatzeko baliabide errazarekin" ere ados ez dagoela ohartarazi du.
Azkenik, autogobernua eguneratzeko eta sakontzeko, "erabakitzeko gaitasuna eta adosteko beharra uztartu" behar direla adierazi du Urkulluk.
Horretarako, Estatutua eguneratzeko lanean ari den Eusko Legebiltzarreko lantaldeari "kultura politiko ezberdinen arteko akordio zabala eta barnerakoia" lortzea eskatu dio. Akordioak "bideragarritasun instituzionala eta juridikoa izan eta aurrerapauso esanguratsu bat suposatu behar du", gaineratu duenez.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra aire konpainiari emandako 53 milioi euroko erreskate publikoaren ingurukoa da. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.