Arancha Gonzalez, Europarekin liluratutako tolosarra
Arancha Gonzalez Laya (Tolosa, 1969) izango da Espainiako Gobernuko Atzerri gaietako, EB eta Kooperazio ministro berria, Moncloako iturriek gaur baieztatu dutenez.
Zuzenbidean lizentziaduna da Nafarroako Unibertsitatean, eta graduondokoa du Europako Zuzenbidean (Madrilgo Carlos IIi. Unibertsitatea). Sektore pribatuan zein publikoan jardundakoa, nazioarteko harremanetan eta merkataritzan aditua da.
Bruselan, Bruckhaus Westrick Stegemann abokatu bulegoan hasi zen lanean, enpresei zuzenbidean, merkataritzan eta Estatuko laguntzen inguruan aholkularitza emanez.
Ondoren, sektore publikora egin zuen jauzi, eta Europako Batzordeko hainbat kargu izan ditu. Zortzi urtez, Pascal Lamy Munduko Merkataritza Erakundeko zuzendariaren kabinete burua izan zen, eta horren ordezkaria G-20an. Postu horretan lehen emakumezkoa izan zen Gonzalez, baita pertsonarik gazteena ere.
2013tik, ITC Nazioarteko Merkataritza Zentroaren —Nazio Batuen Erakundeak eta Munduko Merkataritza Erakundeak sortutako garapenerako agentzia— zuzendari exekutiboa izan da. Genevan (Suitza) du egoitza ITCk.
Horrez gain, genero berdintasunaren aldeko International Gender Champions erakundeko presidentea da, eta emakumearen ahalduntze ekonomikoaren aldeko hainbat ekimen bultzatu ditu ITC zentroaren zuzendaritzatik. Horren adibide, 2015ean SheTrades Initiative programa jarri zuen martxan, munduko txoko ezberdinetako emakumezko enpresaburuak konektatzeko. Iaz, "Women Shaping Global Economic Governance" liburua idatzi zuen Marion Jansenekin batera. Gobernantza ekonomikoaren alorrean lider diren 28 emakumeren saiakerak batu zituzten Gonzalezek eta Jansenek.
El Pais egunkariari 2011n eskainitako elkarrizketa batean aitortu zuenez, Europarekin liluratuta zegoen nerabezarotik, "mundu zibilizatuaren ikur" gisa. Horregatik agian, gaztetik zekien Europako gaietan, Bruselan, jardungo zuela, "zehazki zertan" ez zekien arren.
"Ikasle saiatu eta tematia", gazte zela utzi zuen jaioterria, eta 23 urterekin atzerrira joan zen bizitzera (azken urteak Genevan eman ditu). Sei hizkuntza dakizki (euskara, gaztelera, ingelesa, frantsesa, alemana eta italiera), euskara "nahiko herdoilduta" duela aitortzen badu ere.
Espainian egingo lituzkeen aldaketez galdetuta, honakoak aipatu zituen: "arrakasta arinaren kultura"ri eta ustelkeriari amaiera ematea eta "ongizate publikoaren sentimendua sustatzea".
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.