Otegik Jaurlaritza kritikatu du presoekin eta familiekin ez hitz egiteagatik
ETAko 210 presoak hurbiltzea eskatuko dio Jaurlaritzak Espainiako Gobernuari, atzo Jonan Fernandez Giza Eskubide, Bizikidetza eta Lankidetzaren idazkari nagusiak iragarri zuenez. Iragarpen hori egin zen egunaren biharamunean, Arnaldo Otegi EH Bilduko koordinatzaile nagusia kritiko azaldu da, proposamena egin aurretik Eusko Jaurlaritzak ez duelako ETAko presoekin, senitartekoekin eta ezker abertzalearekin hitz egin.
Herri Irratian eskainitako elkarrizketa batean, Fernandezen "moduak" salatu ditu Otegik. "Edukiei dagokienez, EH Bildu proposamen horretatik gertu egon liteke hein batean, urruntze politika amaitu behar delako", erantsi du.
"Duela sei hilabete proposamen bat zegoen, orain beste bat dugu; gauzak aldatu egin dira eta ez dakigu zergatik. Ez dakigu norekin hitz egiten duten. Badakigu presoen senitartekoekin ez dutela hitz egin, presoekin ere ez, ezta ezker independentistarekin ere. Beraz, norekin hitz egiten dute halako proiektuak egiten dituztenean?", galdetu du. Horrela, Fernandezek berak ezker abertzaleari duela sei hilabete egindako eskari bera egin dio: "Gehiago egin behar da eta gutxiago hitz egin".
Presoek ETA eta indarkeria gaitzetsi behar izatea baldintza gisa jarri izanaz galdetuta, Otegik erantzun du erakunde armatua gaur egun ez dagoela. "Ez dakit batzuek ez ote duten albistea entzun, baina badira urte batzuk ETA ez dela existitzen", adierazi du.
Presoen auzia "delikatua" dela nabarmendu du EH Bilduren koordinatzailea nagusiak. Horren hitzetan, "honek zorroztasuna eta seriotasuna eskatzen du, ez propaganda politikoa. Arazo bat dugu konpontzeko, eta, gure ustez, diskrezioz, seriotasunez eta inor sumindu barik konpondu behar dugu".
Albiste gehiago politika
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
‘Kalera Kalera’ ekimenaren barruan 2016 eta 2020 urteen artean 120 ongietorri ekitaldi antolatzea leporatuta, ezker abertzaleko 6 kideren aurkako epaiketa hasi da gaur Auzitegi Nazionalean. Saioa hasi orduko, epaileak akordioaren berri eman du. Fiskaltzak bost urte eta zazpi hilabeteko espetxea eskatzen zuen seirentzat, biktimak umiliatzea eta talde kriminaleko kide izatea egotzita.
Abalos Auzitegi Gorenean da, eta epaileak atzera bota du Garciak deklarazioa atzeratzeko egindako eskaera
Abalosen aholkulari ohia eguerdian zen deklaratzekoa, ministro ohiaren ondoren, baina abokatu berriak deklarazioa atzeratzea eskatu dio epaileari. Izan ere, ez ei ditu jaso kasuaren ikerketari buruzko agiri guztiak.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.