Sanferminetako txupinazoaren arduraduna hautatzeko sistemari eutsiko dio Iruñeak
EH Bilduk, PSNk eta Geroa Baik Sanferminetako txupinazoa jaurtiko duen pertsona edo erakundea aukeratzeko sisteman aldaketarik ez egiteko aurkeztutako adierazpen bateratua onartu du Iruñeko Udalak, Navarra Sumaren abstentzioarekin.
Joseba Asiron (EH Bildu) Iruñeko alkate ohia adierazpen horren alde agertu da, eta txupinazoaren jaurtiketa Juanito Etxeparek egindako herri-ekimen batetik sortu zela gogoratu du. Testuinguru horretan, Etxeparek berak jaurti zuen txupinazoa 1931 eta 1936 bitartean. Alabaina, hori izan zen bere azken aldia, urte hartan, "Errepublikaren aldeko ideia ezkertiarrak izateagatik fusilatu baitzuten".
Bestalde, Ana Elizalde Navarra Sumako ordezkariak azpimarratu duenez, "Barcinak bi aldiz jaurti zuen txupinazoa, hauteskundeak hiru aldiz irabazi zituelako, babes zabalarekin". Hala, oposizioak aurkeztu duen adierazpena Enrique Maya alkatearen hitzei erantzuteko modua dela ziurtatu du.
Geroa Baiko Patxi Leozek gaur egun indarrean dagoen sistemarekin jarraitzea eskatu du, adostasun bidez hori aldatzeko akordiorik ez dagoen bitartean. "Herritarren parte hartzea bultzatzen jarraitu behar da", adierazi du, eta "badira aurrera egin eta iritziz aldatzen duten talde politikoak" esan dio Elizalderi.
Maite Esporrin PSNko ordezkariaren iritziz, ordea, Sanferminetako txupinazoa botatzeko arduraduna hautatzeko sistema "ez da hil edo biziko eztabaida", baina sentimenduekin, zirrarekin eta jaiaren hasierarekin lotuta dagoela azpimarratu du. Ildo horretatik, "iraganean eroso egotea" leporatu dio Navarra Sumari, eta herritarren parte hartzea "ezinbestekoa" dela iritzi dio.
Halaber, bere asmoen berri "hedabideen bidez jakin behar izatea" aurpegiratu dio Asironek Enrique Maya Iruñeko alkateari, eta, hori dela eta, "pixka bat ikasteko eta udal taldeekin gehiago hitz egiteko" eskatu dio.
Dena dela, indarrean dagoen aukeraketa sistema hobetzeko ideiarik baldin badu, "proposamena" egiteko eskatu dio, "baina bozketa bidezko prozeduraren aurka egin gabe".
Elizaldek bere burua "demokratatzat" jotzea leporatu dio Asironi, "ikurrina inposatu, boterera legeari iruzur eginez heldu edo, bestela, kolpeka aritu arren".
Albiste gehiago politika
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.