Jaurlaritzak eta Espainiako Gobernuak 'dekretu digitala' negoziatzea adostu dute
Eusko Jaurlaritzak eta Espainiako Gobernuak 6 hilabeteko aldebiko negoziazio-epea zabaltzea adostu dute 'dekretu digitala'ren inguruan dituzten desadostasunak konpontzeko, eta auziaren "judizializazioa" saihesteko.
Josu Erkoreka Gobernantza Publiko eta Autogobernuko sailburu eta Jaurlaritzaren bozeramaileak gobernu bileraren osteko prentsaurrekoan gogorarazi duenez, Legebiltzarrak dekretuaren kontrako helegitea aurkezteko eskaera egin zion Jaurlaritzari joan den astean onartutako ebazpen batean. Dena dela, EAJk eta PSOEk Sanchezen inbestidura ahalbideratzeko lortutako akordioari men eginez, bi gobernuek negoziatzea adostu dute; izan ere, akordio hartan "akordio politikoaren alde" egin zuten bi alderdiek "desadostasunak judizializatzea saihesteko".
Hori dela eta, otsailaren 5a baino lehen, Josu Erkorekak berak eta Carolina Darias Lurralde Politika eta Funtzio Publikoko ministroak Auzitegi Konstituzionalari jakinaraziko diote, idazki bateratu baten bitartez, desadostasunak negoziatzeko prozesua zabalduko dela Lankidetzako Aldebiko Batzordean.
Erkorekak azaldu duenez, lege-dekretua onartu zenean "Espainiako eta Kataluniako gobernuen arteko tentsio giroa erabatekoa zen", baina gaur egun ez dago horrelakorik. Jaurlaritzaren ustez, araudiak "segurtasun publikoa, ordena publikoa edo segurtasun nazionala bermatzeko aitzakiarekin, kontrol sistema ez-legitimoa, neurrigabea eta hierarkikoa ezartzen du estatu deszentralizatu batean. Horrek Euskadiren autonomia politikoko printzipioa eta autoantolakuntzako eskuduntza urratzen ditu bi esparrutan: identifikazioa eta sinadura elektronikoa eta datu-base jakin batzuen kokapena eta segurtasuna telekomunikazioen arloan".
Gainera, Jaurlaritzaren iritziz, "arau-hauste batzuen eta hauei lotutako zigorren artean ez dago proportzionaltasunik. Proposatutako helburura egokitzen ez diren alferrikako eta gehiegizko neurriak, kautela berezikoak, aurreikusi dira". Azkenik, arau horrek "Espainiako Konstituzioaren 18. eta 20. artikuluen oinarrizko eskubideak eta askatasunak larriki eta modu murriztailean urratzen ditu", Jaurlaritzaren arabera.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.