PSE-EEk akordioa egin du Podemosekin eta EH Bildurekin Irungo aurrekontuak onartzeko
Irunen, PSE-EEk gutxiengoan agintzen duen udalean, akordioa egin dute sozialistek EH Bildurekin eta Elkarrekin Podemosekin aurrekontuak aurrera ateratzeko.
Jose Antonio Santano Irungo alkateak azpimarratu du "desberdinen arteko" elkarrizketaren ondorio dela ituna, baina finean "balioak eta helburuak" partekatzen dituztela.
"Mugikortasunaz, iraunkortasunaz, etxebizitzaz, politika sozialez edo emakumeen etxeaz ari gara, herritarrei axola dien gaiez", azaldu du alkate irundarrak, eta gaineratu du ez dela "inoren aurkakoa", EAJri erreferentzia eginez. Jeltzaleekin aurrekontuaren zuzenketak adostea espero du Santanok.
Idoia Mendia EAEko sozialisten buruak garrantzia kendu dio itunari: "Herri honetan ez dago gehiengo osorik, eta alderdi guztiekin itunak egitera ohitu gara, PP izan ezik, bere burua baztertu baitu eta Euskadin politika egiteari uko egin baitio".
Josu Erkoreka Eusko Jaurlaritzaren bozeramaileak berretsi du akordioa "zehatza, apartekoa eta lokala" dela, eta ez dagoela EAEko beste erakunde batzuetara zabaltzeko "arriskurik", gainerakoan EAJ-PSE itunak baitira "joera".
EH Bildutik, Marian Beitialarrangoitiak errefusatu egin du "asmakeriak" egitea PSE-EErekiko akordioa beste erakunde batzuetara zabaltzearen inguruan, eta azpimarratu du itun batek "Euskal Herrian bizi diren pertsonen bizi baldintzak hobetuko baditu, EH Bildu akordio horretan" egongo dela.
David Soto Elkarrekin Podemosen Irungo bozeramaileak, berriz, esan du "aro berria" hasi dela "aurrerakoi eta ezkertiarrentzat", eta azaldu du "duela hilabete batzuetatik" datozen elkarrizketen ondorio dela ituna.
Kontrako aldean dago, ordea, PP. Amaya Fernandez popularren EAEko idazkari nagusiak esan du PSOEk EH Bilduri egingo dizkion lehenengo "lagapenak" izango direla akordio hauek.
EAJ, haserre
EAJri ez zaio akordioa gustatu, eta eta sozialistei euskal erakundeetarako gobernagarritasun ituna urratzea egotzi die.
Gipuzku Buru Batzarrak iragarri du akordioaren jarraipenerako batzordearen bilera deituko duela egoera aztertzeko.
Izan ere, jeltzaleek uste dute foru eta udal hauteskundeen ostean sozialistekin egindako akordioak bi alderdiak behartzen dituela udal aurrekontuak onartzera negoziazio prozesu baten ostean.
Akordiorik ezean, "bi alderdietako lurraldeko zuzendaritzek esku hartzeko konpromisoa dute desadostasunak bideratu eta akordioa egongo dela bermatzeko", jeltzaleek azaldu dutenez.
Baina EAJk uste du Santanok eta PSE-EEk printzipio hori urratu dutela Irunen.
Aurreko hauteskundeen ostean, EAJk Santanoren inbestidura babestu zuen, EH Bildurekin eta Elkarrekin Podemose gehiengo alternatiboa osatu beharrean.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.