Maixabel Lasak PSE utzi du, alderdiak kanporatze-espedientea ireki ostean
Terrorismoaren Biktimentzako Arretarako Eusko Jaurlaritzaren zuzendari ohi Maixabel Lasak PSE-EE utzi du. Alderdiak jakinarazi zion "behin-behineko kanporatze-espedientea" ireki ziola, azaroaren 10eko hauteskundeetan Mas Paiseko Txema Urkijoren hautagaitzari babesa eman ziolako; espediente horren ondorioz, Lasak PSE-EE uztea erabaki du.
Txema Urkijo eta Maixabel Lasa, 2013an, azken horren liburuaren aurkezpenean (EiTBren bideo batetik hartutako argazkia).
Juan Mari Jauregi Gipuzkoako gobernadore zibila zenaren alarguna da Lasa; ETAk hil zuen Jauregi, 2000an. EFEri esan dionez, Urkijori babesa eman zionean, "pertsona" babestu zuen, "ez alderdia"; izan ere, Maixabel Lasa Urkijoren laguna da, azken hori Biktimentzako Bulegoan zuzendari laguntzaile izan zenetik.
Lasak gaitzetsi egin du "hoztasunez" eman ziotela espediente horren berri (astelehenean, burofax baten bidez), eta orain aukera balego egoera bideratu eta PSE-EEra berriro bueltatzeko ez luke atzera egingo gaineratu du. Lasa 80ko hamarkadan egin zen PSE-EE alderdiko kide, senarrarekin batera. "Ez, une honetan ez. Hau zaplaztekoa izan da niretzat; ez dut adinik lelokeria hauetarako", adierazi du Lasak. Esan duenez, "zelatatuta" sentitu da, eta "pena-sentsazioa" du gertatutakoagatik.
Horrez gain, Urkijok bere babesa eskatu zionean "ez nuen zalantzarik egin", azaldu du Lasak, eta aukera izan balu botoa hari emango ziokeela adierazi du. Testuinguru horretan, Urkijorekin batera Bilbon egindako ekitaldi batean parte hartu izana PSE-EEren gustukoa ez izatea pentsatu ere ez zuela egin azaldu du.
"Alderdi baten sigletatik haratago adiskidetasuna dago, elkarrekin lanean eman ditugun urteak. Ez nuen zalantzan jarri ere egin bere hautagaitzari emandako babesa, Txema ezkertiarra delako, horrelako kargu bat betetzeko balio duena. Arrazoi horregatik erabaki nuen nire babesa publikoki adieraztea", nabarmendu du Lasak.
Hala, PSE-EEren zuzendaritzak bidalitako burofaxa jaso ondoren, bertan ageri den telefono zenbakira deitu zuela azaldu du, PSE-EEtik baja ematea eskatzeko. Halaber, ez zuela bere aurka irekitako espedientearen tramitazioa amaitu arte itxaron nahi esan zien, bere ustez, hainbeste urteren ostean, PSEk berarengan izandako "konfiantza eskasa" erakusten duelako espediente horrek.
Halaber, alderdiko buruzagi bakar baten deia ere ez duela jaso deitoratu du Lasak, Odon Elorza Donostiako alkate ohi eta diputatuarena izan ezik. Horrenbestez, zuzendaritzak erabilitako "formekin" haserre agertu da, baina erabaki horrekin alderdiaren ideia guztiekin bat etortzeko sentitzen zuen "presioa" alde batera utzi duela aitortu du.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.