Forcadell eta Bassa espetxetik atera dira, adineko senideak zaintzeko
Carme Forcadell Kataluniako Parlamentuko presidente ohia eta Dolors Bassa Generalitateko kontseilari kargugabetua lehen aldiz atera dira kartzelatik ordu batzuetarako baimenarekin.
Jordi Cuixart (Omnium), Jordi Sanchez (ANC) eta Joaquin Forn Barne kontseilari kargugabetuari ere aitortu dizkiete kartzelatik irteteko baimenak, araudiaren 100.2 artikulua aplikatuta. Hain justu ere, Cuixart joan den otsailaren 13an irten zen presondegitik lehen aldiz.
Forcadell -11 urte eta sei hilabeteko espetxealdia ezarri zioten, sedizioa egotzita- 08:30 inguruan atera da Tarragonako Mas d’Enric kartzelatik, bere ama zaintzeko eta borondatezko lanak egiteko.
Espetxe horretako Tratamendu Batzordeak hiru egunetan eta egun bakoitzeko bederatzi orduz kartzelatik kanpo egoteko baimena eman zion.
Kataluniako Parlamentuko presidente ohiak espetxearen atarian egindako argazki bat zabaldu du bere Twitter kontuaren bidez. "Gureari eusten diogu", idatzi du.
Dolors Bassa, berriz, 12:00ak aldera irten da Gironako Puig de les Basses kartzelatik, bere ama zaintzeko baimenarekin. Kasu honetan ere, hiru egunetan irten ahalko da presondegitik.
Kataluniako prozesu independentistaren aurkako epaiketan Espainiako Auzitegi Gorenak zigortutako kontseilarien artean kartzelatik ateratzeko baimena lortzen duen agintari politikoa da Bassa.
(Dolors Bassa espetxetik atera den unea. Argazkia: EFE)
Zure interesekoa izan daiteke
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez lortu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".
Euskal politikariek eta gizarteak Carlos Garaikoetxeari esker ona adierazi diote
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.
Garaikoetxea, euskal autogobernuaren oinarriak ezarri zituen lehendakaria
Trantsizioan ezinbesteko papera izan zuen politikaria, bere ardura nagusietako bat izan zen euskal erakundeen egitura marraztu eta eraikitzea. EAJrekin izandako desadostasunek eraman zuten Eusko Alkartasuna sortzera.