EH Bildu eta Izquierda-Ezkerra abstenituko dira Nafarroako Aurrekontuen bozketan
2020rako Nafarroako Aurrekontu Orokorrak hilaren 27an onar litzateke, ostegunarekin, bi botoko alde txikiarekin; izan ere, EH Bilduko eta Izquierda-Ezkerrako Parlamentuko bozeramaileek aurreratu dute euren taldeak abstenitu egingo direla bozketa horretan.
Akordioa ez da oraindik ofiziala (bi koalizioen Zuzendaritzek berretsi behar dute), baina, EH Bilduko Adolfo Araizek adierazi duenez, "kontuan izanik orain arte zein jarrera izan dugun, litekeena da abstentzioaren alde egitea". Araizen esanetan, "akordio politikoa, berez, balioa da", eta Aurrekontuetan "hainbat alde positibo" daude, hein batean EH Bilduren zuzenketei esker: adibidez, gizarte-blokeko politiketan gastuaren igoera. "Gustatzen ez zaizkigun gauzak ere badaude", gogorarazi du, dena den.
Nolanahi ere, ziurtatu du "Aurrekontuak onartzea erraztearen aldeko konpromisoari" eutsiko diotela, eta, gerora, adi egongo direla, hitzartutako hainbat kontu betetzen ote diren egiaztatzeko.
Izquierda-Ezkerrari dagokionez, IU abstentzioaren aldekoa da, baina Batzarre, aldiz, ez; IUko Marisa de Simonen iritziz, irizpide desberdinak izatea "ohikoa" da, eta ziurtzat eman du azkenean abstenitu egingo direla. Halaber, adierazi du ez duela uste I-Ek osoko bilkuran aurkeztuko dituen zuzenketak onartuko dituztenik.
De Simonek nabarmendu du Izquierda-Ezkerrak ez duela oztopatuko Aurrekontuak onartzea, "baina jarrera kritikoa erakutsi behar dugu". Kontuak, De Simonen hitzetan, "kontinuistak" dira, "ez dutelako txertatzen aparteko gizarte-aurrerapenik", eta, horrez gain, "ez dira nahikoak, beharrezko diru-sarrerak emango dituen zerga-erreforma bati uko egiten baitiote". Halaber, "babes handiegia" ematen diote irakaskuntza pribatuari, eta osasun-hitzarmen gehiago egotea babesten dute.
Zure interesekoa izan daiteke
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.