Arriolak Bizkaiko Batzar Nagusietan azalpenak ematea galarazi dute EAJk eta PSEk
Iñaki Arriola Eusko Jaurlaritzako Ingurumen sailburuak ez du Zaldibarko zabortegian izandako luiziaren osteko kudeaketari buruzko azalpenik emango Bizkaiko Batzar Nagusietan, izan ere, EAJk eta PSE-EEk eskaera horren kontra bozkatu dute, sailburuak eman beharreko azalpenak dagokion tokian eman dituela arrazoituta. Horrela, atzera bota dute eskaria.
Zehazki, Elkarrekin Podemosek eskatu du Ingurumen sailburuaren agerraldia, Verter Recycling enpresarekin egin diren jarduerei buruzko azalpenak eman ditzan, baita bertako zaborrarekin zer egingo den jakiteko ere, besteak beste. Testuinguru horretan, EH Bilduk eta PPk agerraldiaren alde bozkatu dute. Luizia otsailaren 6an jazo zen, eta zabortegian lanean ari ziren bi behargin ordudanik daude desagertuta.
Elkarrekin Podemosen eskaeraren arabera, ezbehar horrek "osasunerako arrisku larria" eragin zien "babes egokirik gabe" lan egin zuten beharginei, zabortegiko hondakinen artean zegoen amiantoagatik, eta inguruko udalerrietako airearen kalitatea kutsatu zuten hainbat sute piztu ziren. Ildo horretatik, "Zaldibar, Eibar eta Ermuko bizilagunek" suak eragindako toxinak arnastu zituzten hurrengo egunetan.
"Gertaera horrek izandako ondorio larrietan oinarrituta, Elkarrekin Podemosek egokitzat jo du Ingurumen sailburua Bizkaiko Batzar Nagusietan agertzea", besteak beste zabortegia kudeatzen zuen enpresak zituen baimenei buruz azalpenak emateko eta luizia gertatu ostean Bizkaiko Foru Aldundiarekin garatu dituen koordinazio neurriei buruz hitz egiteko, baita Zaldibartik kentzen ari diren hondakinak eta lurrak nora eramaten ari diren esateko ere.
Hala, Arriolak azalpenak emateko eskaeraren alde bozkatu du EH Bilduk, "beharrezkoa eta egokia" dela iritzita, eta "ezinbestekoa" da, PPren esanetan, ezbeharraren inguruko erantzukizunak argitzeko.
Dena dela, EAJren eta PSEren kontrako botoek bertan behera utzi dute Arriolak agerraldia egiteko eskaria. Bi taldeek uste dute ez dela bidezkoa, sailburuak Eusko Legebiltzarreko batzordean eman zituelako azalpen guztiak, lehendakariarekin eta beste hiru sailbururekin batera otsailaren 18an egindako agerraldian.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.