EHUko testak modu masiboan ez erabiltzea kritikatu du oposizioak
Eusko Legebiltzarreko oposizioak kritikatu egin du Osasun Sailak ez baliatzea EHUk egindako PCR proben "potentzialtasuna" herritarrei modu masiboan probak egiteko, eta proba horien erabilera Ministerioaren seroprebalentzia azterketa osatzera mugatzea.
Ganberako Diputazio Iraunkorrak EH Bilduren ekimen bat eztabaidatu du, froga horiek herritarren artean "egunero milaka test" egiteko erabiltzeko. Testua ez dute onartu, koalizio abertzaleak eta Elkarrekin Podemosek bakarrik babestu dutelako; PP abstenitu egin da, eta Gobernuko taldeek, EAJk eta PSEk, kontra bozkatu dute.
Jeltzaleek eta sozialistek aurkeztutako zuzenketa aurrera atera da, baina EH Bilduk eta Elkarrekin Podemosek ez dute onartu. Bertan, Eusko Jaurlaritzari eskatzen zaio "ahalik eta PCR eta test azkar gehien egiten jarrai dezala, batik bat arrisku proba gisa kalifikatutakoei".
Onartutako testuak azaltzen duenez, probak egiteak "birusaren hedapena saihesteko beharrezko neurriak" hartzea ahalbidetuko du, baita deseskalatzeari osasun berme nahikorekin aurre egitea ere. Osakidetzaren zuzendaritzapeko lankidetza publiko-pribatura ere dei egiten da, baita "osasun-ikerketako sarearekiko eta Estatuko Larrialdiak Koordinatzeko Zentroarekiko lankidetza indartzera ere".
Eztabaidan zehar, oposizioko taldeek kritikatu egin dute Osasun Sailak atzerapena izan duela EHUko ikertzaileek egindako PCR probak erabiltzerakoan, eta deitoratu dute proba horiek ez direla erabiliko test masiboak egiteko.
"Makinaria oso indartsua dugu, eta ez dugu ulertzen zergatik uko egiten zaion", azaldu du Rebeka Ubera EH Bilduko legebiltzarkideak. Halaber, gogorarazi du beste autonomia erkidego batzuetan Karlos III.a Institutuak baliozkotutako laborategiak elkarlanean ari direla herritarrei probak egiteko.
Uberak uste du Osasuna ez dela "asmatzen ari" Neiker, Nanogune, CIC bioGUNE eta Tecnalia bezalako laborategiek eskainitako laguntza "onartzen ez duenean", eta horrek "itsu-itsuan, COVID-19ari aurrea hartu gabe" joatea eragiten ari dela adierazi du.
Elkarrekin Podemosetik, Yahcov Ruizek nabarmendu du EHUk diseinatutako probak egunero 10.000 test "oso modu merkean" egiteko aukera ematen duela, baina Osasun Saila ez da "behar adina finkatzen ari aukera horretan".
Carmelo Barrio popularrak Eusko Jaurlaritzak Osakidetzakoak ez diren laborategiekiko erakutsi duen "erabateko mesfidantza" salatu du, bai publikoak, bai pribatuak.
Gobernuko taldeetatik, Irune Berasaluze (EAJ) ados agertu da ahalik eta test gehien egitearen komenigarritasunean. Osakidetza eta Osasuna hasieratik EHUrekin eta beste hainbat erakunderekin (Biocruces, Bioaraba eta Biodonostia) elkarlanean ari direla ziurtatu du, eta elkarlan publiko-pribatuaren beharra babestu du.
Idoia Mendia sozialistak EHUrekin egindako akordioa babestu du, bat etorri da kasu berriak atzemateko "test asko" egin behar direla, tratamendu eraginkor batekin eman edo txerto bat aurkitu arte, eta administrazioen arteko "elkarlan gorenera" deitu du.
Zure interesekoa izan daiteke
PPk irabazi ditu Aragoiko hauteskundeak, baina Voxen botoen menpe geratu da
PPk irabazi ditu hauteskunde autonomikoak Aragoin, 26 eserleku eskuratuta (azken hauteskundeetan baino 2 gutxiago). PSOEk 18 lortu ditu (5 gutxiago), eta Voxek bere ordezkaritza bikoiztu du, 7tik 14ra igarota. Chunta Aragonesista 3tik 6ra igo da.
PPk irabaziko lituzke hauteskundeak Aragoin, baina akordioak beharko lituzke gobernatzeko, lehen inkestaren arabera
GAD3k Aragoi Telebistarentzat egindako inkesta baten arabera, PPk 26-29 eserleku artean lortuko lituzke, PSOE bigarren indarra izango litzateke 17-18rekin eta Voxek azken emaitzak bikoiztu egingo lituzke, 13 edo 14 eserleku lortuta.
Aragoin parte-hartzea % 56,29koa izan da 18:00etarako
2023ko bozetan izandako datuarekin alderatuta, % 1,56 hazi da. Guztira, 507.869 boto-emaile joan dira, beraz, hauteslekuetara.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta ez da aparteko gorabeherarik izan. 1,03 milioi pertsonak eman ahalko dute botoa. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, ondorioz, ultraeskuina beharko du gobernatzeko.
Hauteslekuak zabaldu dituzte Aragoin
Guztira 1.036.325 herritarrek eman ahalko dute botoa. Igande honetako hauteskundeek Aragoiko Gorteetako osaera berria zehaztuko dute.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.