Alarma-egoera alde batera uzteko lege-aldaketak egin nahi ditu Espainiako Gobernuak
Koronabirusaren agerraldiari aurre egiteko asmoz gaur egun indarrean dagoen alarma-egoera alde batera uzteko, deseskalatze prozesua amaitutakoan lege-aldaketak bultzatzea aurreikusi du Espainiako Gobernuak. Horrela, udazkenean birusa berriro agertzen bada, Konstituzioaren 116. artikulura jo beharrik ez izatea espero du Sanchezen gobernuak.
Carmen Calvo Espainiako Gobernuko presidenteordeak iragarri du koalizio-gobernuak lege-aldaketa horiek egiteko asmoa duela, eta adostasuna bilatzeko prest egoteko eskatu die oposizioko alderdiei.
Calvok zenbait egun daramatza oposizioko alderdien babesa bilatzen alarma-egoeraren azken luzapena onartzeko, baina oraingoan hilabete batekoa izango litzateke 15 egunekoa izan beharrean. Senatuan egindako agerraldian jakinarazi du Espainiako Gobernuaren asmoa, eta deseskalatze prozesua ekainaren amaieran edo uztailaren hasieran amaituko dela aurreikusi du.
Presidenteordeak azpimarratu duenez, ohiko legediak ez du "neurri zehatzak" hartzea ahalbidetzen koronabirusa bezalako pandemia baten aurrean, duela 30 urte legedia egin zenean egoera hau "imajinaezina" zenez "ez dagoelako aurreikusita".
Espainiako Gobernuak ez zuen PPren babesik behar izan alarma-egoeraren laugarren luzapenaren bozketan, EAJren eta Ciudadanosen aldeko botoa jaso zuelako. Dena dela, Sanchezek "batasuna" eskatu dio Casadori "datorrenari aurre egiteko"; izan ere, horren esanetan, bizitzak salbatzeko ez ezik, enpresak eta lanpostuak mantentzeko ere behar da. Hala ere, PPko presidenteak ziurtatu du bere alderdiak ez duela alarma-egoeraren beste luzapen bat babestuko.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.