Araba, Bizkaia eta Gipuzkoa "normaltasun berria"n sartu dira gauerdian
Euskal Autonomia Erkidegoa (EAE) normaltasun berrian dago jada. Hain zuzen ere, gauerdian sartu da indarrean deseskalatze prozesuaren 3 fasea eta alarma-egoera bertan behera uzteko Iñigo Urkullu lehendakariak ostegunean sinatu zuen dekretua. Horrela, zirkulazio askea ahalbidetzen duen etapa berri bat hasi dute gaur Arabak, Bizkaiak eta Gipuzkoak.
Gaurtik aurrera, beraz, indarrean dago aro berrirako prebentzio-, zaintza- eta kontrol-neurriak zehazten dituen araua. Eusko Jaurlaritzak azpimarratu duenez, "konpromiso indibidual eta kolektiboa" behar da "prebentziorako eta nork bere burua babesteko neurriekin".
Horrela, Eusko Jaurlaritzak "Gernikako Estatutuak aitortzen dizkion eskuduntza eta aginpideak berreskuratu ditu", eta baliorik gabe gelditu dira alarma-egoera ezarri zenetik hartutako neurri guztiak, nola Espainiako Gobernuak agindutakoak hala Euskal Autonomia Erkidegoan agintaritza dutenek ezarritakoak.
Josu Erkorekaren esanetan, Eusko Jaurlaritzako Osasun sailburuaren agindua araudi “berri eta propioa” da, eta EAEko Exekutiboari bide ematen dio epidemia kontrolatzeko neurriak Araba, Gipuzkoa eta Bizkaiko errealitate sanitario, sozial eta ekonomikoari doitzeko, Euskal Autonomia Erkidegorako beren-beregi pentsatuta baitago.
Erkorekak azpimarratu du alarma-egoera altxatu eta “normaltasun berria” eskuratzeko urratsak azkena emango diola “koronabirusak eragindako pandemia globalak ekarritako 100 eguneko salbuespen egoerari”.
Erkorekak gogora ekarri duenez, martxoaren 13an, Gobernu Bilera berezi batean, Nekane Murga Osasun sailburuak “osasun-larrialdiaz” ohartarazi eta “neurri bereziak” hartzeko deia egin zuen.
Hori dela eta, Euskadiko Babes Zibileko Plana martxan jartzea eskatu zuen. Egun horretan bertan, lehendakariak horren zuzendaritza bere gain hartu, eta aholkularitza batzordea deitu zuen osasun-larrialdiari aurre egiteko.
Biharamunean, martxoaren 14an, Espainiako Gobernuak alarma-egoera ezarri zuen, sei aldiz luzatu duten “salbuespen-egoera”. Handik bi egunetara, martxoaren 16an, Urkulluk Legebiltzarrean ordezkatuta dauden alderdi guztiak bildu zituen, eta apirilaren 5erako deituta zeuden hauteskundeak bertan behera uzteko ezohiko erabakia hartu zen.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.