Puigdemontek eta JxCaten gertuko kideek alderdi berria sortuko dute uztailaren 25ean
Carles Puigdemont Generalitateko presidente ohiak eta JxCaten gertuko kide batzuek alderdi berri bat sortuko dute uztailaren 25ean. PDeCATek etorkizunean izango duen estatusaren inguruko erabakia ezagutzera itxaron gabe sortuko dute alderdia.
JxCateko zenbait karguk eta Puigdemontek eman dute alderdiaren sorreraren berri sare sozialetan argitaratutako ohar batean. Jordi Turullek, Josep Rullek eta Joaquim Fornek (preso dauden kontseilariak); Jordi Sanchezek (Kataluniako Asanblada Nazionaleko buru ohia eta La Cridako buruak) eta Meritxell Budok zein Damia Calvetek (egungo gobernuko kontseilariak) sinatu dute testua, besteak beste. Bertan, "herrialdearentzako onena nahi dutenak" formazio berrira batzera gonbidatu dituzte.
Izena argitu gabe
Oraindik zalantzak daude Puigdemonten alderdi berriaren izenarekin, izan ere, JxCat Convergenciaren oinordekoak diren PDeCAT alderdiak du erregistratua. Hortaz, presidente ohia beste izen bat erabiltzera behartuta egon daiteke Partit Democratarekin akordiorik egon ezean.
Egoera honen aurrean, Convergencia ondorengo garaian egitura politiko bakarra osatzeko (La Cridarekin batera) JxCat eta PDeCATen arteko desadostasunak agerian geratu dira.
Preso dauden kontseilariek proposatu zuten
Kartzelaratuta dauden presoek JxCatetik eratorritako asanblada baten proposamena egin zuten sigla horien babesean alderdi politiko berri bat sortzeko helburuarekin. Gainera, PDeCATi sei hilabeteko epea ematea proposatzen zuten egitura berri horretara batuko zen edo ez erabakitzeko.
David Bonvehiren alderdiaren ezezkoak Puigdemonten jarraitzaileen eta PDeCATeko ordezkarien arteko eztabaida sortu zuen. PDeCATeko kideek Puigdemonten buruzagitza zalantzan jartzen ez badute ere, ez dute Convergenciaren oinordekoa den alderdia hiltzen utzi nahi.
PDeCATen ez da militantzia bikoitzik
PDeCAT alderdiak gogorarazi du estatutuetan "militantzia bikoitza" ez dagoela onartuta, hortaz, afiliatuek Puigdemonten alderdi berriko kide izan nahi badute, Bonvehiren alderdia utzi beharko dutela esan dute.
Zure interesekoa izan daiteke
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka komandoaren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.
GOIDIaren kudeaketan erantzukizunik ez hartzea egotzi dio Feijook Espainiako Gobernuari: "Larrialdi nazionala ezarri behar zuen"
PPren presidenteak Kongresuko ikerketa batzordearen aurrean nabarmendu duenez, administrazio bakar batek ere ez zuen egin behar beste egin goialdeko depresioaren ondoren. Halaber, Jucarreko Konfederazio Hidrografikoa (CHJ) jo du tragediaren "arduradun nagusi" gisa.