Laudioko bi herritarrentzat dispertsioaren biktima izendapena eskatu du Etxeratek
Fontso Isasi eta Pilar Arzuaga gogoratu ditu gaur Etxerat euskal presoen senideen elkarteak Laudion. Duela 30 urte, 1990eko uztailaren 1ean, hil ziren biak dispertsioak eragindako auto-istripu batean. Maribi Ramila garai hartan preso zegoenaren ama eta laguna ziren eta Ourenseko kartzelara bisita egitera zihoazela izan zuten istripua. "Ez dugu nahi gaurko topaketa oroitzapenezko ekitaldi hutsa izatea. Dispertsioaren biktima direla onartu behar da, aintzatespen hori gabe ez baitago inolako bermerik gertatu dena errepikatuko ez dela ziurtatzeko" aldarrikatu dute antolatzaileek.
"30 urte igaro dira sakabanaketak Fontso Isasi eta Pili Arzuagaren biziak eraman zituenetik eta ordutik gauza asko aldatu dira Euskal Herrian, baina euskal gizarteak lortu nahi duen bake iraunkorraren oinarriak ezin izan dira finkatu. Ahaleginik eta borondaterik ez da falta izan, baina haien bizitzak eraman zituen dispertsio politikak aktibo jarraitzen du, eta urruntzeak mina eta sufrimendua eragiteko helburua leialki betetzen jarraitzen du. Gobernuen aldetik urrats baldarrak baino ez dira ematen, eta hala ere, badaude salbuespen espetxe politikaren iraupena eta sufrimenduaren jarraipena eskatzen dutenak. Ez da erraza izaten ari, baina errealitate berri bat eraiki nahi badugu, adiskidetzea eta bizikidetza lortzeko bidean aurrera egin nahi badugu, urrunketa eta salbuespen politikak desaktibatzea beharrezkoa da; sufrimenduaren kausak desaktibatzea. Eta ez da erraza izango" ohartarazi dute.
"Horregatik, ez dugu nahi gaurko topaketa hau oroitzapenezko ekitaldi hutsa izatea" aldarrikatu dute. "Pili eta Fontso beti egongo dira gure bihotzean, baina gainera, herri honen oroimenean egotea behar dugu. Beraien bizia eta 14 senide gehiagorenak eraman zituzten egoerak, inposaketak ezagutzea beharrezkoa da. Dispertsioaren biktima direla onartzea, aintzatespen hori gabe ez baitago inolako bermerik gertatu dena errepikatuko ez dela ziurtatzeko".
Amaitzeko, gaur zendu zen Lucio Urtubia "preso eta haien familien lagun handia" gogoan izan dute.
Zure interesekoa izan daiteke
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak bota dizkiote elkarri Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta sozialistak erantzun dio Alderdi Popularraren sortzailea aita "torturatu eta erbesteratu zuen diktadurako gobernuaren" parte izan zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu egin dituelakoan, negozioetako ustelkeria barne.
EAJk eta EH Bilduk akordioa lortu dute Enplegu Publikoaren Legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.